Oekussi-(RCAL-21/04/2026), Prezidenti Autoridade Interinu Rejiaun Administrative Espesial Oekusi Ambeno (PA-RAEOA), Celestinho Marques tersa ne’e 21 Abril 2026, automatikamente remata nia kargu nudar Interinu no entrega hikas fali servisu Administrasaun RAEOA nian ba Regio da Cruz Salu nudar Presidente Autoridade RAEOA.
Iha ceremonia despedida ne’ebe realiza iha salaun Enkontro Gabinete Autoridade oébau, Presidente Autoridade Interinu RAEOA, Celestinho Martinho Marques ho nia ekipa Atualiza Progresu rezultadu Servisu ne’ebe durante loron sanolu haknaar nudar autoridade interinu iha RAEOA.
“Enkontro ohin ne;e nudar enkontro ikus nomos despedida hodi informa Kona-ba despaisu Ministeriu Administrasaun Estatal, Númeiru 20/IV/2026, ne’ebe hatete klaru no esplika katak hau nia prezensa iha oekusi tanba Presidente Autoridade Atual sei halo hela tratamentu saíude. Iha despaisu ne’e informa katak, bainhira rekuupera fali saúde retoma servisu mak ha’u nia mandatu remata ou automatikamente sees aan” Informa Celesteinho Marques ba Jornalista sira iha Gabinete Autoridade Oébau.
Celestinho Marques hatete, hafoen entrega hikas servisu ne’e ba Presidente Autoridade RAEOA Regiu da Cruz Salu nia parte sei fila ba Dili hodi toma hikas fali servisu iha Ministeriu Administrasaun Estatal Nudar Direitur Nasional Apoio Administrasaun Suku no Aldeia (DENAAS).
“ha’u-nia knaar nu’udar presidente Autoridade RAEOA Interinu deit durante loron sanolu, servisu balun konsege hala’o maibe importante liu mak kordenasaun servisu la’o di’ak, nune’e laiha vakum iha atendementu publiku, nune’e durante looron sanolu prestasaun servisu iha RAEOA la’o diak to’o fali horseik Presidente atual retoma nia funsaun,” nia esplika.
Biban ne’e, Prezidenti Autoridade Rejiaun Administrativa Espesial Oekusi Ambeno (PA-RAEOA), Regio Da Cruz Salu konsidera, kna’ar ne’ebe hala’o durante Auzensia impedimento servisu tanba saude, nudar delegasaun kompotensia Ministeriu Administrasaun Estatal hanesan entidade tuteladu superentendente ba RAEOA tomak.
“Tanba kestaun hau-nia saúde ne’e, maka entidade tuteladu ezerse kana’ar importante tanba RAEOA iha periodu tranzitoriu, entaun nudar membru Autoridade ita komprende lala’ok institusional ne’e, saida maka ezerse ona ne’e la’o di’ak. Hau hato’o agradese ua’in ba papel antidade tuteladu ba delegasaun kompetensia hodi kontinua fungsionamentu nafatin makina Governu iha RAEOA” nia dehan
Reportagen Jornalista Media RCAL Osterlia Muni
Editor Joe Feno
Leave a Reply