Oékuss, (RCAL Tersa-feira, 29 Apríl 2026) Prezidente Autoridade Rejiaun Administrativa Espesiál Oé-cusse Ambeno (RAEOA) Régio Servantes Romeia da Cruz Salu, ho membros Autoridade, akompaña husi funsionáriu kada diresaun, Tersa-feira, 28 Apríl 2026, presta omenajen ba makotban jornalista senior Otelio Ote ne’ebe hatoba iha nia alin nia residensia Masin Suku Costa Sub-Rejiaun Pante-Makassar.
Matebian Otelio Ote nu’udar mos assesor ba Prezidente Autoridade RAEOA ba asuntu komunikasaun sosiál bainhira Régio da Cruz Salu asumi pasta Nudar Presidente Autoridade RAEOA.
Iha vizita ikus Presta omenagen ne’e, Prezidente Autoridade RAEOA Régio Serventes Roméia da Cruz Salu hato’o sentimentu triste ho matawe’en no agradesimentu ba família maktoban Otelio Ote, tanbá ofrese ona sira nia maun alin no aman doben, hodi servi povu Oé-cusse.
“Ha’u lakon ema di’ak na’in rua iha dentru fulan ida nia laran. Ha’u rasik mak telefone ba señor Otelio Ote atu mai Oé-cusse, ho hanoin ida katak, señor Otelio bele halibur nia ema sira atu mai ami hamutuk hodi fó ideia ba malu, hodi hadia ita nia rai no povu Oé-cusse,” katak Prezidente Autoridade RAEOA Régio Serventes Roméia da Cruz Salu.
Prezidente Autoridade RAEOA mós hato’o agradesimentu ba familia Ote, liu-liu veterano José Ote nu’udar husi matebian Otelio Ote, ne’ebé fó aan ba mate luta hodi manan ukun rasik an.
Durante presta omenagen, Prezidente Autoridade RAEOA, husu ba família Matebian atu kontinua halo koordenasaun ho governu no Autoridade RAEOA ba prosesu hotu, atu nune’e bele halo’ot mate isin Otelio Ote ho dignu.
Antigo Jornalista Otelio Ote hakotu iis iha Hospitál Referal Oé-cusse iha loron Tersa-feira 28 Apríl 2026, Horas 03:35 Otl madrugada tanba sofre moras.
iha loron Kuarta-feira aban 29 Apríl 2026, Matebian antigo Jornalista Otelio Ote, familia Boot iha Oekusi Ambeno transporta nia mate isin ba Díli ho aviaun MAF, hodi halo funebre iha nia rezidénsia Fomento Díli.
Ekipa Kobertura Jornalista Media RCAL
Leave a Reply