RCAL 16102025- Jerente Programa Advokasia iha Fundasaun Alola, Maria Evelina Imang hatete Alola servisu hamutuk ho Governu liuhosi Ministeriu Agrikultura Pesca Pekuaria no Floresta hodi promove produtu lokal, nune’e asegura nutritivu ba Komunidade sira iha rai ida ne’e.
Nia dehan, ohin Timor-Leste komemora loron mundial feto rural, ne’ebe ho nia Sub tema “importansia ai-han lokal hodi asegura nutrisaun iha Timor-Leste”. Agora daudauk TL hamrik rasik, durante 24 anos ona, maibe oinsa asaun ba futuru hodi bele asegura katak feto nia prezensa mos tane ba sira nia valor.
“Tanba ne’e, sira hametin koolaborasaun ho Ministeriu Agrikultura ba importansia promove produtu lokal, hodi asegura nutritivu ba Komunidade”, nia hateten iha Sede Costa, Kuarta(15/10).
Nia esplika, agora daudauk TL iha problema kona-ba nutrisaun, ho ida ne’e oinsa sira haforsa hamutuk hodi bele asegura katak Komunidade bele asesu di’ak ba setor agrikultura. Tanba hanesan ema hotu hatene katak maioria populasaun sira, barak mak moris iha area rural.
Jerente afirma, nune’e mos sira sempre servisu hamutuk ho parseriu sira, hodi prevene sedu molok violensia tantu iha familia, eskola no komunidade. Hodi oinsa prevene ba vitima violensia bazea ba jeneru, inklui vitima trafiku umanu.
Nia haktuir, ohin loron marka prezensa iha eventu mak husi Diretor Rejional Agrikultura no parte Saude nian, hodi partilla ka fahe informasaun kona-ba oinsa prevene ka sintomas moras feto nian. No Agrikultura sensivel ba nutrisaun.
Alende ne’e, parte Saude nian sei partilla informasaun kona-ba bainhira hetan moras kankru oinsa buka dalan no salva sedu, hodi vida naruk.
“Marka prezensa husi Diretor Rejional Agrikultura Oe-kusi, Jose Oki no Sosiedade Sivil hodi oinsa tau forsa hamutuk hodi bele asegura katak ita bele asesu di’ak ba setor agrikultura. Tanba feto barak mak moris iha area rurais”, nia hakotu
Reportagen RCAL
Leave a Reply