Oé-kusi 29012026; Autoridade Aduaneiru (AA) koarta ne’e 28012026, ofisialmente lansa sistema Asycuda World Dijitaliza Atendementu Publiku iha Postu integradu fronteira Sakato no Oesilo ho naran Asycuda World iha salaun Alfandega oekusi Un de Maio palaban suku Costa Sub-Rejiaun Pante Makasar RAEOA.
Komisariu Autoridade Aduaneira Joanico Pintu hateten, politika ne’e orienta direita husi Primeiru-Ministru atu estabelese fila-fali sistema dijitalizasaun hodi garantia prosesu importasaun no esportasaun sasan liu hosi fronteira.
Joanico Pintu akresenta, iha tinan 10-resin ba kotuk, Alfandega iha oekusi uza sistema ida-ne’ebe la eziste ona iha mundu Asycuda, tanba sistema ida-ne’e manual mak barakliu, signifika atuasaun hotu nebe hola iha oekusi la-kaer metin ba padraun regra no prosedementu ne’ebe nasaun iha.
“ohin ita mai restaura fila-fali iha ne’e, hodi hatuur fila-fali ba nia fatin, atu dignifika ita-nia Estadu liuliu atu maxsimiza kobransa sira no rezeitas ba ita-nia rai.” Nia sublina iha salaun Alfandega Oekusi Koarta ne’e.
Joanico Informa, Sistema Asycuda World ne’e nudar plataforma ida-nebe Governu diside hodi adopta iha Timor-Leste ba iha Dijitilizasaun servisu Alfadega nian.
“bainhira ita koalia ba sistema dijital, ita bele evita risku barak, ne’ebe bele akontese iha servisu lor-loron nian, evita ona ema lori osan selu ba malu, evita ona ema atu submete dokumentu ho kopia barak, tanba sistema dijitilizasaun ne’e refleta ba prinsipiu no valor vizaun Alfandega nian mak hanesaan, fasilita komersiu ida ho lais liu, justu liu ba ema hotu, tanba ne’e ohin ba oin temporariamente, sei uza iha postu integradu rua iha oekusi, ida iha Postu Integradu Sakato no ida iha Postu Integradu Oesilo.”
Biban ne’e Presidente Autoridade RAEOA Régio da Cruz Salu, Rekomenda atu presiza tau importansia ba dijitalizasaun sistema tanba iha oekusi fronteira terrestre luan no haleu direita husi nasaun Viziña.
“Hau konkorda sistema Asycuda World tenkiser aplika, sei bele sistema iha Oekusi tenke di’ak liu konta nafatin Autoridade RAEOA, saida mak ami bele komplementa, nune’e sistema atendementu iha fronteira oekusi tenke di’ak liu intermus Aduaneira, tanba oekusi haleu husi fronteira Nasaun Viziñu”
Ekipa Kovertura Jornalista Media RCAL
Leave a Reply