Oekusi 30012026; Autoridade Aduneiru (AA) Timor-Leste Koarta ne’e 28/01/2026, selebra Loron Mundiál Alfándega ba dala 73 no aniversáriu instituisaun ba dala 26 iha Rejiaun Administrativa Espesiál Oé-Cusse Ambeno (RAEOA).
Selebrasaun ne’e marka ho lansamentu sistema ASYCUDA World hodi moderniza servisu fronteira nian.
Atividade Serimónia ne’e hahú ho Missa Agradesimentu ne’ebé dirije husi Pe. Rui Sávio, Amo Pároku Parókia Nossa Senhora do Rosário Oé-Cusse.
Iha omilia, Pe. Rui fó kbiit espirituál no hanoin hikas ba funsionáriu alfándega sira, atu serví ho domin, integridade, no pontualidade ba nasaun.
Komisáriu AA, Joanico Pinto hateten katak implementasaun ASYCUDA World iha Sakato sei halo transasaun sira lais liu, transparente, no dudu kreximu ekonomia nasionál.
Durante diskursu lansamentu Sistema AYCUDA World, Prezidente Autoridade RAEOA (PAM), Regio da Cruz Salu, hateten vizaun ba dezenvolvimentu enklave nian, nune’e Autoridade RAEOA konkorda ho sistema Asycuda World tenkiser aplika, no sei bele sistema iha oekusi tenke di’akliu konta nafatin Autoridade RAEOA, tanba saida mak Autoridade bele komplementa, nune’e sistema atendementu iha fronteira oekusi tenke di’akliu intermus aduaneira, tanba oekusi haleu husi fronteira nasaun Viziñu.
Iha parte konfraternizasaun loraik, Autoridade Alfandegária atribui sertifikadu ba funsionáriu hamutuk 81 ho intensaun, atu garante nafatin ofisiál sira iha kbiit profisionál hodi jere sistema foun no hala’o kargo iha fronteira sira ho kualidade aas.
Marka prezensa iha Eventu ne’e, husi Komisárius Komisaun Funsaun Públika (KFP), Prezidente Autoridade RAEOA, Autoridade seguransa (UPF, PNTL, F-FDTL), Korpu Diplomátiku (BRI, Konsuladu Timor-Leste iha Atambua), Koordenadór G-2, Kargu Diretór e Xefe, no konvidadu.
Ekipa Kovertura Jornalista Media RCAL
Leave a Reply