RCAL, 07 Novembru 2025; Autoridade Rejiaun Administrativa Espesial Oe-cusse Ambeno (RAEOA), liuhosi servisu Adminitrasaun RAEOA komesa ona diskuti Atividade ceremonia Icar bandeira nasional ba Selebrasaun loron proklamasaun Independensia ba dala 50 iha RAEOA.
Ba jornalista Koordenador Jeral Komisaun Orgnaizadora atual Diretor Regional da Administrasaun RAEOA, Jose Tanesib Anuno hateten, tuir planu selebrasaun aniversariu tinan 50 Proklamasaun Independensia loron 28 fulan Novembru tinan ne’e iha Oe-cusse, sei marka mos prezensa Primeiru Ministru, Kayrala Xanana Gusmao, akompana ho membru Governu balun, autoridade Indonesia, liuliu husi autoridade munispiu Belu, Timor Tnegah Utara (TTU), Timor Tengah Selatan (TTS) no Kupang.
“Ami halo enkontru konvokatoriu ne’e, hodi hatene loloos estrutura Komsaun Organizadora ho nia knaar. Tanba komemorasaun aniversariu loron Proklamasaun Independensia 28 Novembru 2025 tinan ne’e, sei partisipa husi Primeiru Ministru, Kay Rala Xanana Gusmao,” nia epslika.
Jose Anunu dehan, hahu semana nee, Autoridade RAEOA fo ona orientasaun ba Administrador Sub Rejiaun no Suku sira atu hahú dada bandeira RDTL iha uma oin, tanba atividade sira ba komemorasaun tinan ne’e, hanesan Korida Cavallu, Feira, desportu komunitaria no Isar Bendeira Nasional.
“Autoridade lokal sira mak sei organiza desportu komunitaria atu anima komunidade. Komemorasaun 28 Novembru nee, nuudar aliserse ida, ba programa dezentralizasaun poder lokal iha tinan oin”, nia dehan tan.
Antes remata intrevista Koordenador Jeral Komisaun Orgnaizadora ne’e informa, , kada tinan aloka liuhusi Diresaun Administrasaun RAEOA. Tinan nee, Administrasaun RAEOA preve orsamentu ho montante $ 30,000.00 (dolar amerikanu rihun tolu nulu).
“Semana oin, orsamentu preparadu ona, atu bele fasilita komisaun organizadora atu hala’o servisu. Tuir planu Gabinete Prezidenti Autoridade RAEOA sei apoia tan orsamentu balun, hodi fasilita implementasaun atividade sira ho di’ak,” Anuno esplika.
Ekipa Reportagen Jornalista RCAL
Leave a Reply