OE-CUSSE-(RCAL 04022026): Autoridade Região Administrativa Especial de Oe-Cusse Ambeno (RAEOA) Tersa Feira (03/02/2026) hahu fa’an Fos Folin Baratu ba komonidade iha Aldeia Tumin, Suku Bobometo, Sub Rejiaun Oe-Silo.
Fos ne’e governo fa’an direita ho kilograma 20 ka saku ida ho folin dolar 10 kompara ho presu merkado dolar 13 sako ida.
Molok hahu fa’an foos hirak ne’e ba komonidade, Prezidenti Autoridade RAEOA, Regio da Cruz Salu iha nia intervensaun ba komonidade no konsidera, lansamentu ne’e nu’udar programa real husi Governu, atu halo intervensaun ba folin foos ne’ebe fa’an iha merkadu hodi hakman komunidade kbiit laek sira.
Prezidente Autoridade klarifika katak, RAEOA iha zona potensial ba area agrikultura, Maibe durante ne’e sei esplora didi’ak hodi eleva kuantidade produsaun aihan, atu nune’e, iha Tinan sira tuir mai, Governu konsistensia ho meius adekuadu, atu identifika fatin agrukultura potensia sira hodi dezenvolve liuhusi alternativu tekniku agrikula modernu.
“Ita avalia fila – fali ita-nia estratejia barak, ne’ebe ita tenta aplika durante tinan barak ona, maibe seiduak sai alternativa no kontribui produsaun aihan barak. sei iha problema, ne’ebe akontese iha bai loron, ne’ebe rai potensial sira la produz aihan, Tanba ne’e, atualmente, Governu kolabora ho potensial parseiru matenek sira, atu hari’i alternativu hodi aumenta tempu produsaun aihan kada tinan, inklui tempu bailoron” dehan PA Regio iha Tumin”.
Biban ne’e, Xefi Suku Bobometo, Jose Labi Caet agradese ba Governu, tanba fasilita faan fos ba populasaun sira ne’ebé presiza.
“Ami kontenti, tanba liu husi intervensaun ne’e bele fasilita fos ba komunidade kbiit laek sira. Tanba kondisaun udan no dalan aat, movimentu bá merkadu susar tebes,” Xefe Suku Jose Labi Caet hatete.
Benefisiariu Kbi’it laek Serafina Anuno, sente kontenti ba Autoridade ne’ebé bele lori foos no faan to’o baze folin baratu, nnune’e bele hola to’o karon 2 ba leten, tanba foos nebe faan iha iha kios, merkado no kareta balun mai fa’an to’o baze karon ida kilograma 20 ho folin $13.
Governu mós hanoin hela atu hari’i sentru lojistiku Regional Nune’e, presiza identifika Rai potensial produsaun ai – han, investe atu asegura produsuan aihan ba povu-nia nesensidade baziku prinsipal.
Entretantu tuir Diretor Regional Komercio Industria, Orlando Quelo hateten, Governu RAEOA liu husi Diresaun Regional Komersiu no Industria la impede merkadu livre, liuliu fa’an fos iha Kioske sira, maibe Governu RAEOA mos iha obrigasaun atu halo intervensaun kuandu fos ne’ebe faan ho folin aas, tanba ferik no katuas sira la iha assesu atu ba to’o merkado, bele asesu iha fatin intervensaun merkadu ne’e.
“lansamentu intervensaun faan fos ho folin baratu ne’e, iha fatin tolu hanesan; Suku Usi Tako Sub-Rejiaun Nitibe, bairo Makelab Suku Taiboko Sub-Rejiaun pantemakassar no iha Tumin Suku Bobometo Sub-Rejiaun oesilo, ho nia koantidade karon 25” nia Informa iha Tumin.
Orlando esplika, elkipa husi Komercio Industria sei bá tan fatin seluk, tanba nia parte orienta ona atu ekipa fasilita liu mak ema sira ne’ebé presiza duni atu hetan asesu fos, nune’e Komercio Industria Husu ba autoridade local, Xefi Suku Bobometo ho Xefi Aldeia sira, bele indentifika populasaun no familia uma laran ne’ebe presiza duni fos.
Ekipa Kovertura Jornalista Media RCAL
Leave a Reply