RCAL 15/01/2026; Direitor Diresaun Rejional Edukasaun no Solidaredade Sosial Vincencio Cono imforma deklarasaun ne’e ba Jornalista hafoen remata ceremonia asinatura estensaun ba fungsionarius kazuais hamutuk atus rua neen nolu-resin tolu (263) no profesores Lima-nolu resin ida (51) iha salaun Diresaun Regionál Edukasaun no Solidariedade Sosiál tasi Ibun Sta. Rossa Suku Costa Sub-Rejiaun Pante-makassar RAEOA Segunda 05/01/2026.
Vincencio Cono hateten, ekstensaun ba fungsionariu kazual atus rua neeng nolu resin tolu inklui professores lima nolu-resin ida ne’e, bazea ba aprovasaun presidente Autoridade RAEOA hodi fo biban ba Servisu Edukasaun atu ekstende tan kontratu ho durasaun fulan neeng hodi apoia servisu edukasaun no atividade aprendijajen eskolar iha RAEOA.
Fungsionariu kazual hirak ne’e kompostu Kompostu husi Apoiu Administrasaun hamutuk na’in sianulu-resin sia (99), Xefe Apoiu Gabinete Tékniku (GAT) no Ofisiál Gabinete apoiu Tékniku hamutuk Tolunulu-resin tolu (33), Guarda eskola sira hamutuk hitunulu-resin lima (75), Manorin sira hamutuk limanulu-resin ida (51). inklui tekniku espesialista no planeamentu nain lima.
Entertantu Xefe departementu rekursu Umanu Fransisco Nono klarifika ba Jornalista katak; diresaun Servisu edukasaun rejional Oekusi iha ona planu atu kordena ho funsaun publika atu iha futuru bele promove fungsionarius kontratadu hirak ne’e, ba ajente administrasaun.
Molok Selebra Asinatura, Dirijente Regionál, husu ba funsionáriu kazuál sira hotu, hodi hatudu prestasaun servisu ho responsabilidade, nune’e bele hadia kualidade administrasaun públika iha Diresaun Regionál Edukasaun Oé-cusse Ambeno.
MEDIA RCAL
Leave a Reply