Oe-Kussi (RCAL), 01 Abril 2026; Diresaun Rejionál Edukasaun no Solidariedade Sosiál (DRESS) Rejiaun Administrativa Espesial Oe-Cusse Ambeno (RAEOA), rekoñese katak, abandona profisaun husi professór balun durante ne’e tanba falta kontrolu adekuadu husi DRESS rasik nune’e, sai hanesan desafiu boot ida ba setor edukasaun iha Rejiaun Administrativa Espesial Oecusse Ambeno (RAEOA).
Direitor DREES Vincêncio Cono, informa Deklarasaun ne’e bainhira hala’o enkontro avaliasaun servisu ho kargu dirijente eskola sira tersa ne’e (31/03/2026) iha salaun Enkontro DRESS ne’ebe lokaliza iha Sta. Rossa Tasi ibun suku Costa Sub-Rejiaun Pante-Macassar RAEOA.
Diretór Vincêncio Cono hatete, profesór balun lakohi kontinua sira nia servisu tanba ezizensia motivasaun pessoal ekonómia familia obriga.
“Ami rekoñese katak, iha profesór balun ne’ebé abandona sira nia profisaun. Balun tanba kreditu bankáriu hotu ona, depois sira muda foku ba negósiu rasik no husik hela servisu hanesan prioridade. Ida ne’e sai ami nia desafiu boot,” hatete Diretór DRESS”
Cono dehan; atu kontrolu ba lista prezensa no desempenhu profesór seidauk maksimu. Tanba Iha kazu balun, profesór sira seidauk implementa kurríkulu ho diak, maski sira hetan ona direitu hanesan funsionáriu públiku husi Governu.
“absénsia profesór iha eskola kontinua akontese no mosu razaun oioin, hanesan moras, atividade partikular no viajen ba área seluk ho lisensa husi koordenadór, profesór balun ne’ebé mai husi munisípiu seluk iha Timor-Leste, liuliu sira ne’ebé servisu iha RAEOA, dala barak husu lisensa tanba kestaun família” dehan Cono iha salaun DRESS.
Reportagen Jornalista media RCAL
Leave a Reply