RCAL 20112025_Eskola Ensinu rekorente Rejiaun Administrativa Espesial oekussi Ambeno (RAEOA), ne’ebe lokaliza iha Bairo palaban Suku Costa Sub-Rejiaun Pante-Makassar, dadaun ne’e, iha deit sala aprendijajen rua, no sala ba profesor ida, no kada sala iha meja no kadeira ruanolu, hodi akumula estudante nain tolunolu resin lima.
Total Estudante ne’ebe hala’o estudu iha ensinu rekorente ne’e, besik atus ida resin kompostu husi primeru ano to;o terseiru anu.
Estudante Euzenia Amaral hateten, dadaun ne’e Ensinu rekorente iha bairo Palaban Aldeia Sanane Suku Costa Sub-rejiaun Pante-Makassar, infrenta problema hanesan, menus sala aprendijajen, meja, kadeira, no kuadru, nune’e difikulta prosesu aprendijajen.
Estudante ne’e dehan iha eskola ne’e mos la-iha guarda ba eskola nune’e bainhira oras to’o ba Aula sei hein savi portaun nebe ho volotariu deit ba ema ne’ebe besik eskola.
Tanba ne’e nia parte nudar estudante iha ensinu rekorente ne’e, husu ba ministeriu Edukasaun iha REAOA, atu bele tau atensaun ba problema ne’e, hodi labele difikulta prosesu aprendijajen iha futuru.
Hatan ba asuntu menus mobiliariu no sala de aula, Direitur servisu Edukasaun RAEOA Vincencio Cono hateten, ensinu rekorente ne’e, mosu ho intensaun laos atu aumenta mobilariu no sala de aula, tanba politika governo ne’ebe konsagra iha konstituisaun katak sistema edukasaun iha timor-leste nakloke ba ema hotu ho gratuita no universal, ho nune’e governu timor-leste hamosu ensinu rekorente ne’e, ho maneira atu hamenus no iha futuru bele mos halakon.
“Ensinu Rekorente, ita laos atu aumenta, maibe ita atu hamenus, no halakon, tanba Timor-Leste aplika sistema ida ne’ebe konsagradu iha konstituisaun RDTL, artigu 59 ne’e, loke ba ema hotu-hotu gratuita, no Universal tanba ne’e sira nia fasilidade naton ona, e observasaun durante ne’e hau iha diresaun da edukasaun iha tempu kotuk dehan SREAS Secretaria rejional agora tuun uituan ba nivel diresaun rejional da edukasaun solidaredade sosial nia labele fo-tan fasilidade, tinan-tinan ita tau osan ne’e, tenke menus-menus menus to’o lakon”.
Vincencio Cono Klarifika katak, Ensinu rekorente ne’e politika governu hamosu, hodi koresponde no prevene deit ba ema hirak ne’ebe la konsege remata estudu no depoes tuir fali formasaun husi Edukasaun naun formal, nune;e bele hetan diploma.
Reportagen Jornalista RCAL
Leave a Reply