RCAL 12022026; Negosiante ne’ebe faan produtu lokal sira iha merkadu maumate, ne’ebe lokaliza iha suku Naimeko Sub-rejiaun Pantemakasar, sente preakupa no tristi tanba faan deit produtu lokal iha tahu leten no be’e nalihun bainhira tempu udan.
Negosiante Herminio Salu hateten, iha tempu udan negosiante sira difisil halo movimentu ho seguru, hodi faan sira nia produtu lokal sira hanesan, modo tahan, inklui produtu lokal seluk, tanba kondisaun merkadu refere nakonu ho tahu no bee nalihun iha fatin fatin.
Negosiante ne’e esplika, merkadu Maumate nudar merkadu prinsipal ne’ebe akumula suku rua husi Sub rejiaun haat hanesan, Sub Rejiaun Pasabe, Nitibe, Oesilo no Sub-Rejiaun Nitibe, atu lori produtu loakl faan iha merkadu ne’e, maibe iha tempu udan faan nain no sosa nain sira preakupa liu ho tahu no be’e nalihun bainhira halo movimentu sosa no faan iha merkadu laran.
Ho situasaun ne’e, negosiante no sosa nain sira sugere ba autoridade RAEOA atu toma atensaun no foti medidas orjentemente hodi bele buka solusaun ba problema refere.
Hatan ba problema merkadu maumate, Presidente Autoridade Rejiaun Administrativu Espesial oekusi Ambeno regio da Cruz Salu hateten; Autoridade rejiaun administrativu espesial oekusi ambeno sei hadia orjente kondisaun merkadu tradisional Maumate.
Presidente autoridade RAEOA Regio da Cruz Salu hateten, merkadu tradisional maumate dadaun ne’e, iha kondisaun la ijene, no nakonu ho tahu. Tanba ne’e, autoridade RAEOA deklara iha tempu badak sei halo intervensaun hodi ateru tiha be’e nalihun iha merkadu laran nune’e, molok fulan junnu negosiante no sosa nain sira, bele utiliza ho kondisaun diak.
Regio da Cruz salu akresenta katak, ba oin sei halo estudu klean, no konsulta mos ho autoridade komonitariu sira, atu oinsa hare fatin estratejiku ida, hodi muda merkadu maumate ba fatin foun.
“temporariamente tenke halo intervensaun ida atu nune’e bele, taka tiha nalihun ne’e, maibe tinan ne’e nia klaran ita sei halo estudu ida nune’e, ba fatin foun. Merkadu munisipal, merkadu ida ne’ebe tenkeser kompletu, ho fasilidade, protesaun saude no jestaun diak ba iha merkadu. Hau rasik sei koalia ho lideransa sira iha administrador postu administrativu pantemakasar, suku naimeko, suku bobokase atu nune’e bele hare fatin ida diak liu luan, e livre husi ou labele besik liu ba natar sira.”
Observasaun iha terenu nota katak, maski loron basar akontese iha tersa kada semana, maibe negosiante fa’an sasan no sosa nain sira, kontinua halo movimentu kada loron iha Merkado tradional ne’e hodi faan sasan no sosa produtu lokal sira.
Ekipa Kobertura Jornalista Media RCAL
Leave a Reply