RAEOA 15/10/2025 – ALOLA FUNDATION servisu hamutuk ho Autoridade RAEOA liu-liu Diresaun Agricultura rejional Koarta ne’e 15102025/ selebra loron intrnasional Feto Rural ho tema “Investe iha Feto Rural nuúdar Prezervadora ba Ai-han no Natureza, dalan ba Futuru Sustentavel no Reziliente”.
Gestor Programa Advokasia-Alola Maria Evelina hateten/ Liu husi selebrasaun ida ne’e, Fundasaun Alola hakarak reafirma fila-fali nia komitmentu atu hasa’e foinsa’e no komunidade nia konsensia kona-ba importansia papel feto nian iha sosiedade hodi dezemvolve produtu lokal ne’ebe kualidade no nutritivo hodi garante nia sustenbilidade ba ema hotu, iha seitor Ekonomia, agrikultura no seitor hotu no prevene Violensia Bazeia ba Jeneru iha uma laran no sosiedade.
“Tinan ida ne’e Fundasaun Alola iha inisiativa komemora Internasional Feto Rurál no atividade sei hala’o Sosializasaun Agrikultura sensivel ba Nutrisaun, Prevensaun Moras Kankru no Importansia Aihan Lokal ba Prevensaun Mal-Nutrisaaun ba komunidade iha Suku Costa, Postu- Administrativu Pante Makassar, RAEOA”, esplika Gestor Programa Advokasia-Alola, Maria Evelina.
Maria Evelina dehan Nu’udar organizasaun sosiedade sivíl, Fundasaun Alola liu husi programa advokasia mos organiza atividade komemorasaun ba Loron Internasional ba Feto Rural, hamutuk komunidade iha suku Costa, Postu Pante Makassar, RAEOA ho tema espesifiku mak ”Importansia Aihan Lokal hodi Asegura Nutrisaun iha Timor Leste”
“Loron Mundiál ba Feto Rural ne’ebe kada tinan nasaun hotu selebra iha loron 15 fulan Outubru hanesan rekonesementu internasionál ida ba papel prinsipal inan feto sira hodi asegura alimentar komunidade nian. Loron Mundial nee rasik aprova liu husi Rezolusaun Assembleia Jeral Organizasaun Nasõens Unidas nian No. 62/136, iha fulan Dezembru 2007”.
Timor-Leste, hanesan parte integradu husi komunidade global organiza eventu oin-oin hodi selebra loron importante ida ne’e, ba tinan 2025, selebrasaun Loron ba Feto Rural komemora ho tema nasionál maka “Investe iha Feto Rural nuúdar Prezervadora ba Ai-han no Natureza, dalan ba Futuru Sustentavel no Reziliente”.
Diretór Rejionál Agricultura, Rejiaun Administrativa Espesiàl Oé-Cusse Ambenu RAEOA José Oki hateten/ Feto nu’udar metáde populasaun Timor-Leste nian maioria hela iha área rurál no dedika sira nia moris serbisu iha setor agrikultura, produz ai-han ba komunidade no iha tempo hanesan halao sira nia kna’ar nu’udar inan hodi tau matan ba familia. Bainhira halao sira nia knaar, sira hasoru limitasaun oin-oin hanesan asesu ba bee-mos, estrada, eletrisidade, asesu ba fasilidade saude, asesu informasaun kona-ba saude no selu-seluk tan.
Partisipa iha selebrasaun ne’e/ Komandante PNTL RAEOA, Komandante Eskuadra Pante Masakar, Administradór Postu Pante-Makasár, Xefi Suku Costa ho nia estrutura nomós Feto Potensiál sira iha RAEOA
Reportagen Media RCAL
Leave a Reply