RCAL 17/12/2025_Atu hasoru no asegura festa Natal no tinan foun ba Komonidade Suku 20 iha RAEOA, Komando Polisia Nasional Timor-Leste (PNTL) Oekusi prepara ona membro polisia efektivos atus ida ruanolu-resin hitu no Komando PNTL RAEOA Orienta ona Ofisial Polisia Suku (OPS) hodi bandu Komnidade Sunu Fugetis iha bairo laran no Komando Polisia la tolera ho Sidadaun ne’ebe perturba evento selebrasaun Natal no Tinan foun.
Superintendente asistente Polisia RAEOA Angelo Quelo hateten, molok fahe tarefa de servisu, Komando PNTL RAEOA sei halo enkontro konjunta ida ho forsa destakadu sira, nudar preparasun atu hasoru evento boot loron natal no tinan foun iha RAEOA,
Komando PNTL RAEOA Informa Bainhira remata Enkontro konjunta Komando Rejional sei fahe mos tarefa servisu, hodi distribui planu ba Polisia Efectivos sira.
Autoridade Seguransa promete, garante nafatin movimento komonidade livre, seguru no tranklidu.
“preparasun ne’ebe maka komando PNTL RAEOA nomos Forsa Defeza destakadu sira prepara atu hasoru eventu boot ba iha loron natal nomos e Tina foun nian, e tarefa de servisu ida ne’e, ita sei halo enkontro konjunta ho forsa destakadu sira hotu hafoen ita distribui planu ne’ebe maka ita prepara. Komando PNTL RAEOA ho Forsa destakadu sira, e preparadu atu hasoru situasaun iha festa Natal no Tinan Foun. Perturbasaun ne’ebe maka halo husi pesoal ita konseidera hanesan autor ita sei prosesa tuir a lei, no ita sei la tolera ba pesoal ida ne’ebe maka hakarak disturbu situasaun ne’ebe maka sei mosu mai”
Angelo Quelo informa, Komando PNTL ho Forsa destakadu sira iha RAEOA preparadu atu hasoru situasaun iha festa natal no tinan foun.
“ita orienta ona ba ita nia kolega sira, parte sira hotu, atu buka tuir pesoal sira ne’ebe, mak gosta halo ba rai ne’e iha bairo laran ho sunu fugetis, iha loron tolu liuba ita prende hela ema sira ne’ebe maka tenta hatama fugetis tama mai iha kalan boot, iha servisu secreta sira konsege detekta no ita kaptura e ita kontinua nafatin-kontinua nafatin no ita sei mobiliza hodi tama sai bairo informa hela ba sira katak, buat ne’ebe maka sunu fugetis ne’e so nia tempo ho nia oras maka bele sunu”
Superintendente asistente PNTL RAEOA Angelo Quelo deklara, Komando PNTL RAEOA bandu total sidadaun ne’ebe tenta importa fugeti liuhosi fronteira.
Reportagen Jornalista RCAL
Leave a Reply