Oekusi (RCAL 08 Marsu 2026); Presidente Interinu Autoridade Rejiaun Administrativu Espesial Oekusi Ambeno (RAEOA) Celestinho Martinho Marques informa apelu ne’e bainhira hala’o enkontro dahuluk ho kargu direitor diresaun rejional sira, xefe departementu inklui jestor sub-rejiaun haat sira koarta ne’e iha salaun Administrasaun Numbey suku Costa Sub-Rejiaun Pante-Makassar RAEOA.
Autoridade Interinu Celestinho Martins Marques hateten, nia parte se la autoriza fungsionariu termu-sertu no Asessor sira tantu asessor Nasional no Internasional atu labele tama servisu ona tanba bainhira simu ona notifikasaun atu termina iha loron 31 fulan marsu ne’e, tenke kumpri tanba ne’e dezisaaun governu nian.
Tanba ne’e Celestinho Marques deklara, kontaradu sira ne’be mak cesa ona sira nia kontratu iha loron 31 de Marsu, labele kontinua tama servisu ona, tanba tuir lei, ne’e laiha ona relasaun ho sira, kontratu hotu para.
“ita sei hare prosesu tuir mai oinsa, ne’ebe hau sei la autoriza sira tama servisu” nia hateten ba diresaun rejional no xefe departementu sira iha salaun administrasaun numbey.
Sura deit Loron Funsionariu nain-1.500-resin iha RAEOA termina kontratu
Xefe autoridade interinu ne’e apela ba kargu xefia sira, atu informa ba fungsionariu termu-sertu ne’ebe termina kontratu, atu labele autoriza tama servisu no fo servisu ou selebra kontratu foun bainhira laiha konesementu husi presidente autoridade subtituisaun.
“kargu xefia sira labele fo tempu ba sira atu mai servisu, tanba osan laiha atu selu, sei sira mai nafatin ba oin ita kontratu fali ema seluk, sira la kontratu entaun sei mosu problema boot, iha instituisaun estadu satan mai fo tan servisu ba sira, orsida sei ejize nia direitu tanba presta ona servisu ba estadu, ne’ebe tenke informa ba sira atu labele tama servisu ona, nia informa”
Celestinho Apela mos ba assesor sira, tantu nasional no internasional atu bainhira kontratu termina ona iha loron 31 Marsu, presija hamamuk ona fatin no labele tama servisu.
“agora osan laiha, ita ulun fatuk moras, atu buka osan iha ne’ebe mak atu selu sira, ita hein deit ekipa auditoria mai atu hatan oinsa, direitor sira tenke tegas, servisu kumpre de’it ba lei, labele uza fuan hodi hatama ema barak”
Reportagen Jornalista Media RCAL
Leave a Reply