RCAL 05/02/2026; Prokuradoria Jeral da Repúblika, Nelson de Carvalho kinnta ne’e hala’o enkontro ho autoridade RAEOA iha salaun gabinete pa oebau suku costa sub rejiaun PM.
Durante enkontro PGR Nelson de Carvalho, husu ba Autoridade RAEOA atu oferese rai atu harí prizaun preventiva ida iha Oe-Cusse, tanba Oe-Cusse dok husi Nasional.
“Ha’u rona katak, prizaun antigu iha Oe-Cusse ne’e iha hela. Sei bele ita halo rehabilitasaun, nune’e bele sai hanesan prizaun preventiva ida, atu asegura suspeitu no prizioneiru sira, bainhira iha hela prosesu julgamentu,” dehan Prokurador Jeral da Repúblika, Nelson de Carvalho iha sorumutu ne’e.
Nelson de Carvalho hatene katak, rajaun harii Prizaun preventiva ida iha Oekusi ne’e, tanba Oe-Cusse ne’e rai ketan, difisil tebes atu lori prizioneiru sira tuir dala terestre, no liu husi tasi mós, perigu. Tanba ne’e ami husu sei bele identifika fatin ida, hodi kordena ho Ministériu Justisa atu harí prizaun ida iha Oe-Cusse.
Tuir Nelson de Carvalho katak, husi tempu UNTAET to’o tinan tolu ba kotuk, krime iha Oe-Cusse ladun maka’as. Maibé ikus-ikus ne’e, krime sa’e makas.
“Tanba ida ne’e mak ha’u koloka ona prokuradór na’in tolu mai Oe-Cusse, hodi hala’o servisu, liu-liu haree kona-ba krime kontra bandu iha Oe-Cusse, tanba teritóriu Oe-Cusse ne’e, haleu husi fronteira. Tanba ne’e ami fokus loos mai Oe-Cusse, ” nia hatete.
Hatan ba assuntu ne’e, Prezidente Autoridade RAEOA, Régio Servantes Romeia da Cruz Salu hatete, “enkontro ne’e mos atu pronunsia de’it disponibilidade atu bele hahú, tanba fatin ne’e iha ona, tama iha katégoria rai Estadu, atu nune’e bele koloka servisu Ministériu Públiku ninian, tanba ne’e, Autoridade tenke iha aparesidade ne’ebé digna, nune’e povu mós senti orgullu, hodi tau nafatin konfiansa ba lei ne’ebé regula.
Ekipa Kobertura Jornalista Media RCAL
Leave a Reply