Oekusi (RCAL 30 Abril 2026), governo liuhosi Secertariu estadu Sekundariu no tekniku Vokasional hamutuk ho Autoridade Rejiaun Adminitrativa Espesial Oekusi Ambenu liuhosi Servidu edukasaun Rejional kinta ne’e, hare besik liutan prosesu Instalasaun material Sentro teknologia Informasaun (ICT) iha eskola Tekniku Vokasional palaban Suku Costa Sub-Rejiaun pantemakassar.
Secretariu estadu Sekundariu no tekniku Vokasional Domingos Lopes Gomes hateten, Vizita iha oekusi ne’e ho intensaun atu observa prosesu instalasaun ekipamentu dijitalizasaun iha eskola sira liuliu ba ensinu sekundariu jeral no tekniku vokasional sira iha Rejiaun Administrativa Espesial oekusi Ambeno (RAEOA) tanba prosesu instalasaun ne’e konklui ona hodi bele utiliza ba prosesu aprendijajen.
Domingos Lopes Gomes esplika, Material dijitaliasaun ne’e hanesan sentru teknolojia Informasaun (ICT) hanesan Komputador no projeitor sira atu uja ba atividade prosesu aprendijajen, tanba politika Ministeriu Edukasaun hakarak moderniza prosesu ensinu aprendijajen iha eskola sira hanesan ho metodu Universidade.
“profesor sira durante ne’e tinan barak sira hanorin estudante ho manual de’it, hanesan hakerek iha kuadru ho fo impaktu ba sa’ude, tan ne’ mak komesa tinan kotuk, Ministeriu Edukasaun hahu distribui material ba eskola sira iha teritoriu Timor-Leste hodi bele moderniza prosesu ne’e ho diak”
Entretantu diretur Servisu edukasaun RAEOA Vincêncio Cono orgullu tanba Edukasaun bele observa direita prosesu Instalasaun material ICT sira ne’ebe estabelese iha ensinu sira.
“orgullu tanba, bele oferese tan projetor neen iha eskola Sekundariu palaban, ne’ebe prezensa Ministeriu Edukasaun iha oekusi Importate atu observa direita, karik ne’ebe mak sei falta, bele alista kedas atu hetan apoio iha futuru, tanba politika Ministeriu Edukasaun hakarak moderniza prosesu aprendijajen ho maneira dijitalizasaun”
Fo hanoin fali katak tuir agenda ne’ebe radiu ne’e asesu katak, Secertariu estadu Sekundariu no tekniku Vokasional hamutuk Servidu edukasaun Rejional sei vizita ba eskola Sekunadriu tekniku Vokasional Agrikultura Oekusi São João Paulo Pasabe, ETV Lifau Mahata, inklui eskola sekundariu Publiku sira hanesan ESG Palaban, Baqui no eskola Sekundariu Katolika Santo Antonio oekusi
Reportagen Jornalista Media RCAL
Leave a Reply