Oekusi (RCAL 30 Abril 2026); Autoridade Rejiaun Administrativa Espesial oekusi Ambeno (RAEOA) kinta ne’e realiza enkontro nivel rejional ho membro autoridade no kargu xefia iha sala enkontro Autoridade Oebau suku Costa Sub-Reiaun Pantemakassar.
Prezidenti Autoridade Regio Roméia da Cruz Salu hatete, enkontro ne’e ho intensaun atu forma komisaun organizadora ba seremonia loron Independensia 20 de Maio 2026 iha RAEOA.
Autoridade RAEOA ne’e dehan, enkontro ne’e nudar etapa dahuluk atu diskuti programas definitivu husi evento loron boot ne’e, maibe seidauk finaliza, nune’e sidauk bele publika.
“ami foin forma komisaun organizadora no tau hela ideias sira. Programa seidauk fiksu, no ami sei halo enkontru tan antes fo sai ba publiku,” dehan Regiu iha GPA 30/04/2026 kinta ne’e.
Durante enkontro Autoridade RAEOA nomea Sekretáriu Rejionál ba Asuntu Administrasaun no Finansas salvador da Cruz ba Presidente da Komisaun organizadora ba selebrasaun loron 20 de Maiu 2026.
“Sekretáriu Rejionál ba Asuntu Administrasaun no Finansas, Salvador da Cruz, hili nudar Prezidenti Komisaun Organizadora no membru secretario seluk ho kargu Xefia sira, okupa Secretariu no responsavel ba seksaun sira”
Biban ne’e Sekretáriu Rejionál ba Asuntu Administrasaun no Finansas Salvador da Cruz hatete; Rezultadu husi Enkontru ne’e membro Autoridade no Presidente Autoridade aseita atu Sekretáriu Rejionál ba Asuntu Administrasaun no Finansas sai hanesan Presidente Komisaun Organizadora.
“tempu preparasaun limitadu tebes, tanba Prezidenti Autoridade foin mak toma pose ho kondisaun ne’e, komisaun deside atu fokus deit ba serimónia solene Loron 20 Maiu, no la inklui atividade desportu tanba tempu badak, entaun ami deside atu serimónia ofisiál ne’e bele lao ho diak no hakmatek,” Presidente Komisaun ne’e hatete.
Ekipa Kobertura Jornalista Media RCAL
Leave a Reply