Oe-Kussi (RCAL 13 Abril 2026); Serviço de Registo e Verificação Empresarial (SERVE, I.P.) mak instituisaun públika ida iha Timor-Leste ne’ebé iha responsabilidade atu jere rejistu komersiál ba empreza sira. Instituisaun ne’e funsiona hanesan “balkaun úniku” (one-stop shop) atu fasilita setór privadu hodi kria no formaliza sira-nia negósiu. Maibe durante ne’e SERVE, I.P sukursal oekusi hasoru problema prinsipal tolu hodi hala’o servisu tuir knar kompetesnia ne’ebe deskreve iha dekreitu SERVE, I.P.
Koordenador Servisu Registu no Verifikasaun Empresarial, SERVER, I.P Sukursal Oecusse, Sergiu Emanuel Colo, Sesta feira ne’e ba jornalista iha nia knaar fatin Sta. Rossa hateten, Probelema prinsipal tolu ne’ebe durante ne’e SERVE, I.P sukursal hasoru maka hanesan, Transporte, Komputador, no Edifisu SERVE,I.P.
“Ami nia preokupasaun barak tebes mak hanesan komputador, transporte, edifisiu ne’ebe agora dadauk ita infrenta,Tamba ida ne’e maka ami husu ba autoridade ligadu ho ita nia reseitas durante ita hatama ka entrega ba kofre estadu bankaria ba iha RAEOA nian tan ne’e maka ami hakarak ejiji ba autoridade RAEOA atu nune’e fassilita netik ba ami nia asuntu ida nee” Nia hatete.
Sergiu Emanuel Colo klarifika katak, Edifisiu SERVE, I.P sukursal oekusi rasik dadaun ne’e kondisaun la-diak tanba bainhira tempu udan, be’e nalihun iha edifisu sorin sorin, no edifisiu laran nakonu ho udan been tanba kalen sira hahu koak, nune’e difikulta tebes atu halo servisu atendementu iha tempu udan.
Koordenaor ne’e informa liutan katak, atu hakbesik liutan servisu atendmentu Rejistu lisenseamentu negosiu movel ba komonidade sira iha baze, durante ne’e ladun efisien tanba laiha trasporte no menus komputador. Tanba ne’e nia parte sujere nafatin ba Autoridade RAEOA atu buka ona sulusaun ba servisu SERVE, I.P sukursal Oekusi.
Reportagen Jornalista: Osterlia Muni
Editor Joe Feno
Leave a Reply