Oékusi RCAL 02 Jullu 2026 – Assosiasaun Masine Neu Oékusi (MANEO) kinta ne’e 02 Jullu 2026, realiza assembleia geral ba periodu tinan 2026 – 2031 iha Edifisu MANEO Sumlili Sto. Antonio oekusi Suku Costa Postu Pantemakassar.
Iha intrevista diretora ezekutiva MANEO Ramila Fatíma da Costa hateten, atividade ne’e nudar enkontro asembleia geral nomos re-estrutura asosiasaun Masine Neu Oékusi tanba iha ona periodu rua tutuir malu hahu la-konsege realiza nune’e iha kinta ne’e foin realiza ba periodu 2026 to’o 2030 nune’e bele aselera prosesu servisu administrasaun lao diak no efisien ba iha futuru.
Ramila dehan, iha asembleia ne’e mos ho objetivu prinsipal maka atu hare halo revizaun ba estatutu MANEO no bele hetan aprovasaun ba akta sira nebe atu diskuti, nune’e iha futuru bele kontinua rejistu iha Notariadu ministeriu da justica.
Biban ne’e reprezentante Oxfam Timor-Leste Milena Mendonça apresia ho politika revizaun ho asembleia geral ne’e, tanba suportasaun Oxfam ba parseiru sira iha mudansa bo’ot maibe MANEO konsege realiza atividade ne’e, nune’e bele konsentra planu diak ba futuru MANEO rasik.
Milena informa liutan katak, fundus ba atividade asembleia jeral munisipiu ne’e, renova dala tolu ona tutuir malu, nune’e iha periodu ne’e, Oxfam rasik fo ultimatum ba MANEO atu bele realiza atividade refere.
Reprezentante Presidente Autoridade Oékusi atual Diretora Servisu Apoio Organizasaun naun Govermental no Organizasaun Komonitaria Anita da Costa Ruin nia intervensaun Abertura hateten, Ezistensia MANEO iha RAEOA ne’e tinan-12 ona, ho dezfius problemas ne’ebe maka MANEO hasoru.
Nia informa, diresaun ne’ebe tutela ba ne’e nudar diresaun ne’ebe foin estabelese ho papel importante liu maka atu hare servisu sosiadade sivil sira iha Oékusi, inklui organizasaun komonitaria ne’ebe maka ezisti iha suku ne’e laran.
Reportagen Jornalista RCAL Gradiana Faria
Editor Joe Feno
Leave a Reply