Oékussi RCAL, 24 Jñu 2026 – Organizasaun Naun Govermental Lokal Oekusi sujere, ba Autoridade Oekusi Ambeno atu kompleta ona pagamentu Fundus Subvensaun Publika ba Sosiadade sivil sira iha Oekusi Ambeno tanba Progresu atividade husi porsento 40 kompleta ona iha tinan kotuk 2025.
Diretur Asosiasaun Haburas kapasidade Agrikultura no Ekonomia (AHCAE) Oekusi, Domingos Ati informa preakupasaun ne’e ba jornalista hafoen remata enkontro kordenasaun ho parseiro servisu no ONG lokal sira Kinta ne’e iha Salaun Caritas Tuan Oesono suku Costa Postu Pantemakassar.
Domingos Ati informa, maske orsamentu fundus Subvensaun ba tinan ne’e autoridade lakonsege preve, maibe Presidente Autoridade presiza kordena ho tekniku sira atu kompleta pagamentu 60% tanba iha tinan kotuk 2025, autoridade selebra ona ho ONG lokal sira liuhosi asina kontratu 100%.
Diretu AHCAE ne’e hatete, Subvensaun Publiku iha RAEOA nebe mak Ofrese ba NGO sira, atu tulun Governo Lokal liuhosi Atividade hanesan, Agrikultura, Edukasaun, Saúde no Ekonomia.
Biban ne’e, Diretor ONG lokal CECEO Juvinal faria hateten, orsamentu ne’ebe Autoridade Anterior selebra asina ho ONG Lokal sira ho objetivu prinsipál atu apoia dezenvolvimentu komunidade, Edukasaun, Formasaun vokasionál, no halo advokasia ba prosesu dezenvolvimentu iha Oé-Cusse.
Nia dehan fundus ne’ebe Autoridade Tranfere iha etapa dahuluk ho porsentu 40, maibe atividade nebe implementa ate tinan ne’e kompleta ona 100% kobre kedan ho fundus 60%, maibe Autoridade foin halo pagamentu 40%.
Entretantu iha fatin hanesan Diretur Assosiasaun Leno Atoni Oe-Cusse (ALA’O) Mindu Caunan hateten, iha tinan 2025 ALA’O hetan Orsamentu subvensaun Publiku husi Presidente Autoridade RAEOA, hodi halo atividade kona-ba Sosializasaun programa hasa’e kualidade Nutrisaun iha eskolar.
Reportragen Jornalista RCAL Julmira Cab Colo
Editor Joe Feno
Leave a Reply