OEKUSI RCAL 18 Juñu 2026 – Hafoin Governo fo Pose iha fulan marsu tinan ne’e, Komandante Jerál Polisia Nasional Timor-Leste (PNTL), Komisaria Asistente Polisia, Afonso do Santos ho ekipa Kinta ne’e 18 Juñu 2026 vizita Komandu PNTL Rejional Oe-kusi.
Iha Diskursu Vizita ne’e, Komisariu Asistensia Polisia Afonso do Santos hateten Vizita ne’e ho intensaun atu haree besik liutan kondisaun no situasaun husi Instituisaun iha Komando PNTL Oékusi Ambeno.
“Membru PNTL no F-FDTL servi ba ita nia povu, ho dignidade, ne’ebe Pesoal Militar ho Polisia sira servisu ida deit no iha koolaborasaun malu. Polisia no Militar atu servi ita nia povu ida ne’e, nune’e la iha Militar no Polisia ida mak ain kaman no liman kaman ba povu, tanba ita ukun aan ne’e, husi ita nia povu”, informa Komando Jeral liuhusi diskursu iha kampaun Komandu PNTL Oe-kusi, santa rosa Kinta ohin
Biban ne’e, Komandante PNTL Oe-kusi Superintendente Xefe, Nicola’o Francelino da Costa deklara, Instituisaun PNTL iha Oe-kusi Ambeno prontu atu hala’o servisu no ezekuta, iha situasaun saida de’it ne’ebe akontese iha Oékusi Ambeno.
Nicola’o afirma tan katak, Komandante PNTL Rejional Oe-kusi Ambenu la hala’o servisu mesak, maibe sempre servisu hamutuk ho F-FDTL, UPF, UPM, MI, nomos Komando PNTL Oe-kusi hetan apoiu informasaun husi SNI hodi pasa informasaun ba Komandu PNTL, no Komando sempre iha liña kordenasaun diak ho Prezidente Autoridade RAEOA no Estrutura tomak, inklui Xefe Suku sira na’in-20.
“Atu prevene krime, la’os deit husi Komandu PNTL, maibe servisu konjunta liu-liu iha lina fronteira komesa husi fronteira Sakato to’o Citrana, lori asegura ba lina fronteira, ne’ebe mais hakmatek no seguru”, nia informa.
Entertantu Reprezentante Presidente Autoridade RAEOA, Atual Secretario Rejional Administrasaun no Finansa Salvador da Cruz hateten Autoridade Oekusi, sempre kolabora ho parte siguransa iha rai enclave Oekusi.
Reportagen Jonalista Julmira Cab Colo
Editor Joe Feno
Leave a Reply