Oékusi RCAL 01 Jullu 2026 – Ministériu Edukasaun (ME), liuhusi ekipa tekniku ezame Nasional Sentru Kurríkulu, Koarta ne’e hala’o dezaminasaun, preparasaun, no korresaun ba matéria ezame nasionál ho rigorizmu hodi garante kualidade no transparénsia ba rezultadu estudante sira nian.
Tekniku Ezame Nasional Domingos da Costa Belo informa, Dezaminasaun ne’e kada tinan sempre halo hodi hafoun fila fali manorin sira atu bele kontinua hatene lala’ok no oinsa orienta manorin sira atu prepara materia ezame nasional tinan 2026.
Domingos da Costa belo, Fo hanoin ba dirigente Sira, atu labele haluha Konfirma didiak ho Inan-aman sira, liu-liu ba labarik Sira nia biografia dadus, no dadus Inan-aman iha Sertidaun Baptismu, no Sertifaun RDTL, nunee labele komplika wanhira hakerek iha Diploma, tanba kuandu fo dadus laloos sei fo prejudika mos ba oan Sira nebe kontinua ba Universidade.
Entretantu, Kordenador Formasaun Oékusi, Jacinto Elu hateten, Aktividade desiminasaun exame nasional Tinan 2026 nee, ekipa Sira husi parte kurrikulu nasional fo direitamente materia ne’e, ba manorin Sira liu-liu iha dirijentes Eskola sira nebe ligadu ho total estudante Sira hotu-hotu, tanba kandidatu estudante ba exame Nasional nian, oinsa atu prense ba diploma, kriteriu Sira nebe ligadu ho exame nasional Kona ba identidade estudante no identidade inan-aman nian, no identidade husi estudante nee tenki klaru.
Jacinto dehan, Desiminasaun sei iha kontinuasaun tanba iha fase dahuluk foku liu ba Dirijentes Ensinu Basiku, no Ensinu Tekniku Vokasional nune’e iha loron aban sei kontinua ba Ensinu Sekundariu.
Molok remata intrevista Jacinto, Rekomendasaun ba dirijentes Eskola Sira atu fo dadus ho loos para bele relata ba nasional labele iha diferense. Tamba preparasaun atu print Fixa exame nasional tenke print bazeia total estudante Sira, nune’e bainhira akontese erru ruma, entaun bele impede estudante ninia Futuro.
Reportagen Jornalista Media Gradiana Faria
Editor Joe Feno
Leave a Reply