SEFOPE Oe-kusi Introdus materia Oportunidade Empregu Ba Estudante COSANO

OEKUSI (RCAL 08 Maio 2026)_ Sekretariu Estadu Formasaun Profesional no Empregu (SEFOPE) Rejiaun Administrativa Espesiál Oe-Kusi Ambenu (RAEOA), Sesta ne’e realiza atividade programa akonselamentu kareira profisionál no divulga informasaun kona-ba oportunidade empregu no formasaun professional ba Estudante sira iha Ensinu Sekundáriu  Colejio Santo António Oe-kusi (COSANO),

Diretor SEFOPE RAEOA, Mario Muni Salu hafoen remata atividade ne’e ba jornalista Informa, SEFOPE Oe-kusi kontinua rrealiza programa kona-ba oportunidade empregu no formasaun professional nomos akonselamentu profisionál ba Estudante klase 12 Ano hamutuk nain-80 iha eskola COSANO Numbei Suku Costa Sub-Rejiaun Pantemakassar.

“Programa ida ne’e, husi Diresaun Nasional Empregu liuhusi RAEOA nian, realiza programa ne’e kada tinan, ne’ebe sempre hala’o iha Eskola sira, entre Eskola Publiku no Privada inklui Joventude sira, hodi bele divulga informasaun kona-ba kualidade servisu no kualidade formasaun iha Timor-Leste. Maibe, alvu ne’e ba turma 12 Ano hodi bele hetan, informasaun kona-ba oportunidade servisu nomos oportunidade formasaun”, nia informa iha COSANO, Sesta (08/05).

Iha fatin hanesan, Koordenadór Eskola Ensinu Sekundáriu COSANO, Arselindo d. C Bobo agradese tanba SEFOPE Oe-kusi, ne’ebe ho hanoin ba futuru liu-liu ba kandidatu Finalista COSANO hodi remata Sekundáriu karik, oinsa sira atu ba iha ne’ebe, no labele duvidas ba sira nia futuru.

“Entaun, hanesan ohin sira mai halo divulgasaun kona-ba lei SEFOPE nian, nune’e depois Estudante remata Ensinu Sekundária alende la hetan bolsu estudu ka la kontinua iha Universidade, sira bele tuir formasaun, iha Bansone no fatin sell-seluk tan, hodi aumenta tan sira nia koñesimentu. Nune’e mos sira prepara, karik iha teste ruma, sira hakarak ba rai liur prontu hodi hadia sira nia ekonomia família, nune’e sustenta sira nia familia ba futuru nian”, nia informa.

Materia ne’ebe SEFOPE divulga ba estudante COSANO ne’e, foka liu ba oportunidade servisu, oportunidade formasaun professional no relasaun trabalho.

Reportagen Jornalista Media RCAL