Oekusi RCAL 11 Maio 2026_Atu promove partisipasaun ajente sosial no forsa ativa lokal iha prosesu formulasaun, diskusaun no ezekusaun instrumentu, planeamentu estrategiku autoridade rejiaun nomos atu akompaña no avalia prestasaun bens servisu publiku rejional ba sidadaun sira iha RAEOA, segunda feira ne’e, Ekipa Ministeriu Administrasaun Estatal (MAE) introdus matadalan oinsa estabeese konsellu konsultivu iha RAEOA.
Sosializasaun matadalan ne’e foka liu ba Prezidente Autoridade Rejiaun Administrativa Espesial Oecusse-Ambeno (PA-RAEOA), Sekretariu Rejional nain-3 no kargu Diretor Rejional 21 ne’ebe realiza iha salaun Administrasaun Numbei suku Costa sub-Rejiaun Pantemakassar.
Diretor Jeral Desentralizasaun no Governu Lokal António Augusto Guteres ba Jonalista hateten, Sosializa Matadalan Konsellu Konsultivu iha RAEOA ne’e inportante tebes tanba bazea ba orientasaun Ministru Administrasaun Estatal atu fasilita no apoia divulga informasoens knaar no kompozisaun Kosellu konsultivu nian, para Autoridade RAEOA bele estabelese orgaun konsellu konsultivu rejional nune’e bele hahu funsiona servisu.
“Konsellu Konsultivu ne’e, Kompostu husi entidades iha sirkuntasia RAEOA ninian, bele tama iha konsellu konsultivu rejional para fo apoio ba servisu autoridade nian, tanba orgaun ne’e orgaun ida ne’ebe fo apoio kordena, komonika, no rekomendasaoens buat balun liuhosi enkontro konsellu konsultivu ne’ebe que iha tempu badak sei hari husi Presidente Autoridade (PA) no tomada de pose para sira nia funsionamentu ba oin bele la’o hanesan mos iha Munisipiu seluk iha Timor-Leste”
Diretor Jeral Desentralizasaun no Governu Lokal informa katak, estabelese konsellu konsultivu ne’e, bazea ba artigu 14 husi dekreitu lei númeru 1/2026, ho nia servisu maka area planeamentu, tanba tinan ida servisu enkontro dala rua liuhosi reniaun ordinariu no estradonariu maibe depende ba identifikasoens nesesidades nebe autoridade iha para konvokatoriu ne’e autoridade maka halo.
Hafoen sesaun primeiru remata, Presidente Autoridade Rejiaun Administrativu Espesial oekusi Ambeno (PA RAEOA) Régio da Cruz Salu ba Jornalista hateten, enkontro ne’e foin primeru bes ne’ebe koalia liu ba matadalan oinsa mak estabelese Kosellu Konsultivu ho kompozisaun no funsionamentu secretariadu nia knaar hotu hotu kompletu.
Régio Salu dehan, Pela premeiru ves funsionamentu secretaraiadu sira ne’e, hatur kedas iha dokumentasaun, nune’e iha obrigasaun atu la’o tuir, formatu sira ne’ebe antes ne’e hetan ona.
“Administativamente estrutura RAEOA definitivu pose ona, maibe ita sei iha obrigasaun importante tuir dekreitu lei no lei Número três agora organizasaun servisu ne’e maka dekretu le Númeru 1 ne’ebe foin dadauk estatutu hatur katak ita tenke ser iha no hari mos konsellu Konsultivu rejional.” Nia Informa hafoen remata diskusaun matadalan Koselu Konsultivu iha Salaun Administrasaun Numbei.
Reportagen Jornalista Media RCAL
Leave a Reply