Oe-cusse RCAL 26 Junu 2026 – Secretário de Estado das Cooperativas (SECoop) Arsenio Perreira da Silva, sesta ne’e fo Posse ba Strutura Grupo Feto Coperativa rua, ha salaun Lagua Credit Uniaun Enclave Oékusi (CU-EO) Nunbey Suku Costa, Postu pantemakasar.
Iha Diskursu Sekretario de Estadu Coperativa Arsenio Perreira da Silva hateten, Grupo Feto Forte Bimelo no Anhapi Bisoni, nebe mak foin simu posse atu ba halo serbisu tuir prinsipio Coperativu ninian, no tenke tane aas Membru sira hotu, nomos fasilita Membru foun sira nebe mak hakarak involve aan iha Grupo Coperativa, nune’e familia idak idak bele involve ba movimentu Coperativa.
Arsenio Perreira bainhira remata diskursu, husu ba Strutura Rua ne’e, atu Kaer metin prinsipio estatutu nian, tamba SECooP ninia fungsionario sira, hamutuk ho feredasaun no Autoridade RAEOA, sei akompana nafatin, atu fasilita liuhosi kapasitasaun ba espesialidade sira nebe mak Coperativa iha, atu nune’e, bele Aumenta koñesimentu kona-ba Jestaun hodi lori Coperativa nee ba oin.
“hanesan serbisu ida nebe mak ita presiza halo kolaborasaun ho parseiru sira husi NGO internasional sira seluk, no NGO lokal sira nebe hakarak rasik atu nakfila an ba Coperativa, Secoop prontu atu mai Oe-cusse hodi serbisu hamutuk ho sira no fasilita”.
Membro Governante ne’e reforsa tan katak, Governu hakarak reforma tan programa ho durasaun tinan-3 to’o tinan-5, nune’e programa ne’e bele iha kontinuasaun.
Reportagen Jornalista RCAL Julmira Cab Colo
Editor Joe Feno
Leave a Reply