Oe-Cusse RCAL, 22 junu 2026, Diretur Programa Nasional Desemvolvimentu Suku (PNDS) Joao Bobo hatete, Bazea ba Dekreitu-lei nu. 8/2013 no ninia alterasaun sira katak, programa ne’e bazea ba Dezemvolvimentu ne’ebe deriji rasik husi komonidade ho intensaun atu hametin kapasidade planeamentu no jestaun finanseira iha nivel baziku, nune’e implementasaun projeitu husi Programa nasional Dezemvolviemntu Suku ne’ebe Implementa iha oekusi Ambeno atinji ona porsento 10 maibe ba suku Costa atinji ona porsentu 11.
“PNDS nia projetu ba tinan 2026 ne’e iha projeitu hamutuk 23, husi ne’e maiyoria la’o ona, ninia progresaun servisu fisiku atinji ona porsento 10, maibe ninia ezekusaun ne’e maka sidauk la’o, tanba kompaña barak hatuun ona material maibe ate data seidauk submenete resivu atu halo pagamentu bazea ba progresaun servisu no matadalan PNDS nian.”
João Bobo Esplika katak, projeitu hirak ne’e, komesa hahu ho tau fatuk inan iha fulan maiu tinan ne’e-2026, ho preoridade liu maka estrada, kanalizasaun bee-moos, no mos kapela, no tuir duni livru manual matadalan PNDS nian katak, projeitu hirak ne’e komonidade maka propoin no implementa husi ekipa Jestaun Suku (EJS) ho durasaun servisu loron 120 no fasilita husi PNDS.
“implementasaun husi projeitu 23 ne’e ne’e, nia baze orsamentu rihun $931,000,00 ba suku 20 inklui suku foun rua hanesan Suku Monemeko ho Kutete, no tuir kalkulasaun tekniku sira-nia kriteria, ho orsamentu boot tenke fahe ba rua nune’e, iha suku rua maka hetan projeitu rua hanesan suku Usitaku ho suku Bene-Ufe Postu Administrativo Nitibe”.
Entretantu husi fetin seluk, Xefe Suku Costa, Fransisco Colo informa ba jornalista katak, Projeti PNDS tinan ne’e, suku hotuhotu koaze hetan ona, tanba ne’e nia espera ba ekipa PNDS atu kontinua halo monitorizasaun atu obra sira ne’e bele konstrui ho koalidade.
Reportagen Jornalista Julmira Cab Colo
Leave a Reply