Oekusi (RCAL 06 Maio 2026), Ekipa konjunta husi Ministeriu Obra Publika hamutuk ho AND, I.P iha loron 10 Marsu liuba, halo inspesaun direita ba projeitu emergensia sira iha oekusi. Husi inspesaun ne’e, hamosu karta informativu ida hodi pendente temporaria projeitu 22, hodi hein instrusaun legalidade tuir desizaun konsellu Administrasaun Fundu Espesial Dezemvolvimentu (KAFED). projetu hirak ne’e, sira ne’ebe iha ona fundu rasik, balu selebra ona kontratu ho Autoridade RAEOA hodi hein de’it prosesu pagamentu presija mos hein desizaun KAFED.
Diretor Diresaun Rejional infraestrutura (DRI) iha RAEOA Remigio Nuno Sila konfirma, projeitu emergensia 22 iha oekusi, suspdende tanba mudansa dekreitu-lei numeiru 02/2026, hodi hein desizaun final husi konsellu Administrasaun Fundu Espesial Dezemvolvimentu (KAFED) RAEOA nian.
DRI ne’e esplika klean katak, projeitu 22 ne;e, ezekuta iha 2025 ho kategoria emergensia maiyoria reabilitasaun estrada, nune’e, Governu deside suspende tanba alokasaun orsamentu seidauk fiksa maske hetan ona orde servisu.
Nia esplika, razaun fundamentu husi suspensaun ne’e, tanba bazea dekreitu lei númeru 02/2026, haktuir kona-ba Fundu Espesial Dezemvolvimentu (FED), signifika orsamentu ida-ne’e iha konsellu rasik, ka konsellu Fundu Espesial Dezemvolvimentu (KAFED) RAEOA
“ida ne’e desizaun tomak iha Autoridade RAEOA kona-ba Pagamentu projetu hotu, la’os hanesan antes ne’e lei númeru 3/2014, presidente Autoridade mak iha kompetensia ba desizaun tomak, maibe iha mudansa alterasaun lei, entaun tenke obedese ba governu sentral,”
Nia hateten, projetu 22 ne’e, simu ona orden servisu hodi hein kontratu definitivu ho Govenru, tanba nia prosedementu ne’e, proposta aprezenta mai husi kompania sira, submete iha Diresaun rejional Infraestrutura no enkamina ba Ajensia Dezemvolvimentu nasional, Institutu Publiku (AND, I.P) bele fortifika verifikasaun.
Reportagen Jornalista Media RCAL
Leave a Reply