Oekusi (RCAL 30 Abril 2026); Governo Timor-leste liuhosi Ministeriu Solidaredade Sosial no Inkluzaun (MSSI) hamutuk ho Institutu Nasioanal Estatistika de Timor-Leste (INETL I.P), Autoridade Rejiaun Administrativa Espesial Oekusi Ambeno (RAEOA), Programa Alimentar Mundial (WFP), Komando Polisia Nasional de timor-leste RAEOA no Autoridade Sukus kinta ne’e Ofisializa lansa programa Sensus Bolsa da Mãe Saúde Nutrisaun Inan no oan (BdMK SANUTRIO), iha RAEOA.
Lansamentu ne’e MSSI realiza ho maneira Komferensia Imprensa ne’ebe realiza iha salaun Igreja numbei Suku Costa Sub-Rejiaun Pantemakassar.
MSSI Veronica das Dores hateten; lansamentu rejistu Sosial uniku ne’e hanesan faze inisial programa pilotu Governo nian, foka liu iha munisispiu tolu hanesan, Kovalima, Ermera no rejiaun Administrativa Espesial Oekusi Ambeno.
Governante ne’e dehan, objetivu prinsipal husi inisiativa ida ne’e maka atu rekolla no atualiza dadus loloos husi kada uma-kain, hodi garante katak informasaun kona-ba kondisaun familia sira refleta realidade iha terenu ne’ebe kridivel.
“lansamentu ba rejistu Sosial uniku ne’e ita halo iha loron ohin, loron 30 fulan Abril 2026, tanba Rejistu Sosial ba kada uma-kain sei hahu ofisialmente iha loron 4 Fulan Maiu 2026 no sei la’o durante periodu fulan ida”
Total Staf nebe servisu iha Sensus SANUTRIO 2026 iha RAEOA hamutuk na’in 186, kompostu husi coordenador na’in-4, Supervizor na’in-18, Enumerador na’in-159 no Motorista na’in-5
Reportagen Jornalista Media RCAL
Leave a Reply