RCAL 30102025_Servisu iha Diresaun Terras Propriadade RAEOA menus fasilidade ekipamentu hodi fo atendementu publiku ba komonidade iha RAEOA.
Direitur rejional terras propriadade RAEOA José Ase Neno Colo informa, ekipamentu informatika hanesan komputador sei menus hodi difikulta atendementu ba Publiku.
Tuir Direitur ne’e katak, antes ne’e kompana NunTimo Unipesoal Lda, manan konkursu hodi sosa fasilidade sira hanesan komputador, printer, no Kadeira, maibe sidauk sufsiente tanba durante ne’e, servisu atendementu kada loron sempre aumenta maibe fasilidade nafatin sei menus.
Jose Ase Neno esplika katak, durante ne’e diresaun rua hanesan terras propriadade no servisu Notariadu, servisu lor-loron sempre aumenta maibe fasilidades kontinua menus, nune’e bainhira nia parte imagina kuandu fungsionarius iha 51 konsekuanesia iha fungsionariu balun tuur deit. Maski nune’e nia parte husu ba fungsionariu sira atu nafatin kuidadu sasan sira ne’e, uja ho didiak nune sasan sira ne’e bele uja ho tempu naruk.
“Agora ekipamentus ba informatika sira ne’e, sei menus iha ne’e komputador rua deit, poes printer maka neen, entaun e, sei menus teb-tebes tanba ita kompara ho fungsionariu servisu depoes ho ita nia rekursu umanu nebe maka la diak, imagina iha diresaun terras propriadade 80 pesoas komputador ne’e minimu ne’e, ema idak idak bele kaer nia komputer rasik para halo servisu”.
Direitora kompania Nuntima Unipesaol Lda, Regina Ola hateten, autoridade RAEOA fo konfiansa hodi fornese ekipamentus ba iha diresaun rejional terras propriadade maibe kompana konsege sosa deit ekipamentu balun no bazea ba kotasaun inklui sasan balun labele sosa tanba iha loja la-faan ona.
fo hanoin fali katak, autoridade anterior fo konfiansa ba kompana Nuntimu Unipesoal Lda, hodi sosa ekipamentu hanesan komputador rua, printer neen no kadeira, ho orsamentu hamutuk dolar amerikanu rihun hitu atus lima.
Reportagen Jornalista RCAL
Leave a Reply