Nitibe (RCAL, 12 Outobru 2026) — Komando Polísia Nasionál Timor-Leste (PNTL) iha Rejiaun Administrativa Espesiál Oe-Cusse Ambeno (RAEOA), liuhusi Unidade Patrolamentu Fronteira kaer ona sidadaun na’in lima ne’ebe tenta lori sasan OB atu ultrapasa liuhosi fronteira terrestre entre Citrana Timor-Leste ba Oepoli Indonesia.
Komandante Polísia Nasionál Timor-Leste (PNTL) Rejionál Oékusi, Superintendente Xefe, Nicolau Francelino da Costa, klarifika ba Jornalista katak, iha loron 09 Outubru 2026 bainhira Komandante Esquadra Nitibe ho nia ekipa simu informasaun husi fontes balu katak, sidadaun na’in lima lori sasan Roupa OB hamutuk karon 100.
atu ultrapasa fronteira Citrana ba Oepoli Indonesia, PNTL konsege kaptura Sidadaun na’in Lima ne’e, iha área fronteira Terestre Citrana, Postu Administrativu Nitibe.
“Bazeia ba informasaun ne’ebé simu, ekipa PNTL halo kedas asaun iha fatin akontesimentu, konsege kaer no sita sasan sira ne’e maske sasan nain balun halai maibe PNTL konsege kaer no detein ema na’in lima, iha sela Polisia hodi na’in haat husi Oepoli no na’in ida husi Ita nian.
atu ultrapasa fronteira Citrana ba Oepoli Indonesia
Komando ne’e esplika, Depois de akontesimentu ne’e, PNTL Oékusi halo kedan kordenasaun ho Unidade Patrulhamentu Fronteira (UPF), atu halo intervensaun orjente no asegura sidadaun na’in lima ne’e atu submete ba prosesu investigasaun tuir prosedimentu legál.
“sasan kontrabandu ne’e entrega ona ba Ministériu Públiku atu kontinua prosesu tuir lei, enkuantu ema na’in lima ne’ebé detein hela, autoridade kompetente kontinua prosesu identifikasaun no prosedimentu legál”.
Ho situasaun ne’e mosu, Komando PNTL Agradese ba Komandante Esquadra Nitibe, membru PNTL no komunidade ne’ebé hela besik fronteira, tanba ajuda tebes autoridade Polisia informasaun oinsa hapara tentativa tráfiku ilegal iha área fronteira.
“Hau apela ba esquadra PNTL sira ne’ebé servisu besik fronteira atu kontinua hametin kordenasaun ho UPF no aumenta vijilánsia, hodi prevene movimentu sasan ilegál husi Timor-Leste ba Indonézia no husi Indonézia tama mai Timor-Leste.
Reportagen Julmira Cab Colo
