PANTEMAKASAR, 12 OUTOBRU 2026 (RCAL) – Presidente Autoridade Rejiaun Administrativa Espesial Oékusi Ambeno (RAEOA), Régio da Cruz Salu, sente triste tanba Aeroportu Rota do Sândalo la funsiona ba povu durante tinan rua ona, maski gastu osan barak hodi konstrui, maibe to’o agora aeroportu ne’e seidauk fó reseita ba estadu tanba sei hein hela prosesu sertifikasaun no investigasaun ne’ebé la’o hela.
Presidente Autoridade RAEOA hato’o sentimentu triste ne’e bainhira realiza enkontro ho Komisaun D Parlementu Nasional iha Salaun Konvensaun Palaban.
Régio Salu afirma, prosesu investigasaun labele hapara fali uza fó kbiit ba ekonómia lokal, no Liuliu, tanba tinan oin Oékusi sei simu bainaka internasionál barak ba kongresu boot, nune’e presiza aviaun hodi nune’e bainaka nebe atu partisipa labele liu fali fronteira ne’ebé do’ok.
Vise-Presidente Komisaun D Parlamentu Nasionál, Manuel Henrique Noronha, husu ba Autoridade RAEOA atu labele nonook.
Nia husu atu hametin koordenasaun ho entidade relevante sira, nune’e bele rezolve lalais kestaun sertifikasaun no lori fali funsionamentu ba aeroportu ne’ebé konsidera di’ak tebes iha Timor-Leste ne’e.
Reportagen Julmira Cab Colo
