Perfurasaun Be’e moos iha Noepapa Fasilita Groupu Assosiasaun Tasae Sele

RCAL 29/10/2025_Projeitu Perfurasaun Be’e moos iha Noepapa Aldeia Buqui Suku Usitasae nebe konstrui husi empreza Abi Haemjam Unipesoal.Lda, ne’ebe lokaliza Iha Aldeia Boqui Suku Usitasa’e Sub rejiaun oesilo Finaliza Ona 100%

Projeitu perfurasaun bee moos ne’e Autoridade RAEOA hodi fasilita Gropu Hortikultura Iha Assosiasaun Tasae Sele.

Kompañia Abi Haemjam Unipesoál.Lda, Konstroi Ona Projeitu Perfurasaun Be’e Moos Noepapa atinji ona porsentu 100%, ohin loron kompañia entrega ona projeitu perfurasaun be’e moos Noepapa ba iha diresaun rejionál agrikultura rejiaun adninistrativa Espesiàl Oé-Cusse Ambeno RAEOA.

Diretor Agrikultura Rejiaun Adninistrativa Espesiál Oé-Cusse Ambeno RAEOA,  Jose Oki hateten, Kompañia Abi haemjam Unipesoál.lda ofisiálmente entrega projeitu perfurasaun be’e moos iha diresaun Rejionál agrikultura RAEOA.

Nia Informa, Objetivu husi perfurasaun be’e moos ne’e, hodi fasilita Komonidade gropu hortikultuta sira, bainhira iha tempu bai-loron sira bele utiliza be’e hodi hala’o aktividade horti atu bele hasae produsaun.

“Ohin ofisiálmente ami simu komvite husi kopania Abi haemjam Unipesoál. lda para atu mai bele halo serimónia entraga projeitu perfurasaun be’e moos ba iha diresaun rejionál agrikultura hodi responsabiliza, nune’e diresaun agrikultura entraga ba gropu hortikultura para bele utiliza be’e kuda produtu lokál nomós bele tau matan ba be’e refere” Diretór Agrikultura Rejionál Agrikultura Rejiaun Adninistrativa Espesiàl Oé-Cusse Ambeno RAEOA, Jose Oki hateten.

Biban ne’e, Xefi Aldeia Boqui Simon Quelo esplika katak, durante tinan barak ona komunidade halao aktividade hortikultura maibe iha tempu bai-loron Groupu ne’e rasik preokupa duni ho be’e moos, tanba ne’e nia parte agradese ba iha diresaun rejionál agrikultura ne’ebe konsege halo perfurasaun be’e moos hodi fasilita gropu hortikultura iha Asosiasaun Tasae sele.

Projeitu Perfurasun be’e moos iha Noepapa, Aldeia Boqui, Suku Usitasa’e konstroi husi kompania Kompañia Abi Haemjam Unipesoal.Lda ho valor orsamentu $28,570.30.

Reportagen Jornalista RCAL