RCAL 11112025_Superintendente Assistente Polisia Angelo Quelo informa, assuntu ne’e iha ambitu atividade Certame ba Selebrasaun loron Nasional Joventude 12 Novembru nebe realiza segunda ne’e, iha Area dores Centro Joventude Rejional Sta, Rossa Suku Costa Sub-rejiaun Pante-Makassar RAEOA.
Superintende asisten Polisia Angelo Quelo afirma katak, hahu semana Kotuk ne’e Polisia Nasional Timor-Leste hamutuk ho F-FDTL ho misaun salva guarda ba rai ne’e, sei tama sai uma hodi revista uma kain idak idak nebe dada bandeira Republika Demokratika Timor-Leste (RDTL).
Angelo Quelo dehan Komitmentu husi Polisia nian katak atu komemora loron nasional 12 Novembru ho 28 Novembru Tinan 2025 iha REAOA, Hahu oras tuku hitu kalan no ba oin Polisia Nasional Timor-Leste (PNTL) servisu hamutuk ho Falintil Forsa defeza Timor-Leste (F-FDTL), sei passa revista ba sidadaun se det maka lori motor no kareta nebe la tau bandeira RDTL komandu Rejional sei prenda hotu hodi hatudu katak sidadaun ne’e laos timor-Oan no sidadaun ne’e la-merese atu hela iha Rejiaun Administrativa Espesial Oekusi Ambeno (RAEOA).
Tanba ne’e nia husu ba transporte Publiku Roda Rua no roda haat sira hanesan kareta Estadu ka pribadu, Motor, Bisikleta, no seluktan atu tau kesi bandeira RDTL iha transporte ne’e rasik.
Angelo Quela Alerta katak, Komando mos sei halo pasa revista hahu husi Edifisiu Autoridade RAEOA to’o Instansia publiku sira no Orienta ona ba Ofisial Polisa Suku (OPS) atu identifika Uma kain nebe la dada bandeira atu husu tuir karik sidauk iha bandeira Komando sei halo pedidu ba autoridade atu iha futuru bele fahe Bandeira Timor-Leste ba Ema hotu iha Suku 20 RAEOA.
Reportagen Jornalista RCAL
Leave a Reply