RCAL 17/11/2025_atu dezemvolve diak liu tan RAEOA ba elisaun Munisipal bainhira hetan fiar husi eleitores sira, segunda ne’e17/11/2025, Comisaun Nasional ba Elisaun (CNE) realiza edukasaun sivica ho metodu debate publiku iha salaun Diresaun Servisu Edukasaun no Solidaredade Sosial nebe Lokaliza iha tasi Ibun Sta. Rossa Suku Kosta Sub-Rejiaun Pantem-Makassar RAEOA.
Debate publiku ne’e realiza tanba liuhosoi kooperasaun servisu CNE ho Radiu televizaun de Timor-Leste Empreza Publiku (RTTL-EP), ne’ebe lidera husi moderador Evangelino de jesus Fatima ho Topiku “ITA PRONTU BA ELISAUN MUNICIPAL” hodi garante dezemvolvimentu sustentavel iha RAEOA.
Molok debate ne’e hahu, Presidente CNE José Belo hateten, objetivu husi debate ne’e, maka atu hakbesik liutan estrutura partidu politiku sira iha nivel Munisipiu atu introdus misaun no vizaun ba eleitor sira iha baze.
“debate ne’e labele akontese deit iha nasional, tanba semak besikliu eleitor sira iha baze, atu esplika sira nia vizaun no misaun no komportamentu ba koordenador partidu politiku sira ho estrutura iha nivel munisipiu, tanba elisaun baze eleitoral iha baze, tan ne’e prezija mos koalia kona-ba sira nia hanoin, nune’e bele kompleta lideransa sira iha nasional, tan ne’e maka mosu edukasun sivika ida, ita intrudus debate publiku ida ne’e primeira ves CNE realiza ba munisipiu sira, ho topiku kada munisipiu lahanesan”, nia hateten iha salaun edukasun oekusi ohin.
Nia esplika, CNE ho RTTL-EP fasilita deit palku ne’e ba partidu politiku lima nebe hetan asentu hodi espreza hanoin tomak ne’ebe durante ne’e organiza ho vontade ne’ebe iha, tan ne’e, bele hatudu no dehan ba publiku atu avalia.
“tanba ita nia nasaun presiza lideransa, lideransa ne’e harii husi komportanmentu, hatene povu nia hakarAK, tanba laiha sidadaun seluk konkore iha elisaun, maibe so partidu politiku sira. Mak iha absoluta hodi bele konkore iha festa demokrasia ne’ebe realiza kada tinan lima.
Biban ne’e, PA RAEOA Régio Romeo servente da Cruz Salu konsidera, debate interativu ne’e sei fo impaktu positivu, tanba fo oportunidade ba lideransa lokal sira atu espresa vizaun no misaun partidu politiku nian ba eleitor sira iha nivel munisipiu.
Nia dehan. Ida ne’e maka kultura foun oekusi, ambiente foun tenke akontese, CNE organiza debate ne’e importante, tanba ami mai ejiste iha lider sira, agora lider sira tenke koalia, atu lori oekusi ba ne’ebe, maibe ida-ne’e maka loos, tanba durante ne’e ita hanoin hela, karik sidauk hanoin maibe ho prezensa debate interativu ne’e atu koalia ba malu tanba ita hotu lider tanba ne’e ita espera debate ne’e bele iha kontinuasaun ba futuru.
Iha Debate ne’e, orador sira husi partidu politiku lima hanesan Vincencio Cono ho Jecarfiadu Afulit Coa reprezenta Partidu Congresu nasional Reconstrusaun e Timorense (CNRT), José Eta ho Agustinho Elo husi partidu FRETILIN, Martinho do Nasimentu Obe ho Juventus Elo husi partidu KHUNTO, Carlos de Almeida ho Miguel da Cruz Gama husi Partidu Democratica (PD) no Partidu Liberta Popular (PLP) Rep husi Martinho Abani Elo ho Veronica Oematan.
Reportagen Jornalista RCAL
Leave a Reply