RCAL 26112025_Presidente Autoridade Rejiaun Administrativa Espesial Oekusi Ambeno (RAEOA), hamutuk ho Koordenador Zona Ekonomia Esklusivu Dezenvolvimentu Oe-cusse Ambeno ( ZEEDOA), kargu Diretór Regionáis, autoridade Polisia, F-FDTL, domingo ne’e Ofisializa feira produtu Lokal nebe realiza iha Tasi Ibun kampu Palaban Suku Costa Sub-Rejiaun Pante-Makasar RAEOA.
Feira ne’e rasik realiza semana ida ho osan hamutuk rihun atus Rua dolar amerikanu, hodi festeza loron proklamasaun 28 Novembro 2025.
Presidente Autoridade Rejiaun Administrativa Espesial Oekusi Ambeno (RAEOA), Régio Serventes Romeia da Cruz Salu hateten, Liuhusi feira produtu lokal ne’e, atu motiva grupu agrikultór sira, inklui grupu feto potensiál sira, hodi hatudu produtu lokál ne’ebé durante ne’e feto sira prodúz ona tuir kreatividade idak-idak nian.
“Tema prinsipal ba tinan ne’e, feira produtu lokal no reforsa ekonomia rejional ne;e, tema ida liga malu, ita hatudu potensia lokál atu ita koeziste iha merkadu rejionál, ne’e tema ida liga malu, ita hatudu potensia lokal atu ita koeziste iha merkadu rejional, ne’e laos ita tuur-tuur ita foti, maibé ne’e ita festeza tinan ida nian, komisaun gasta osan, ne’ebe hau espera, feira tinan ne’e, ita gasta despeza importante rihun $200 ba komisaun, Espera orsamentu ne’ebe uza ba feira tinan nee uza ho efikas, la monu saugati iha estrada ibun, maibe ita tenki konsiénte, hakarak ka lakohi ho ZEEDOA nu’udar zona ekonómia espesiál, ita tenki koejiste iha merkadu ekonómia rejionál”.
Biban ne’e, koordenador feira produtu Lokal atual Diretór Diresaun Rejionál Komersiu no Indústria, Orlando Quelo klarifika katak, partisipa iha feira produtu lokál ne’e, mai husi grupu industria hamutuk 15, aprezenta produtu ai-han tradisionál sira, jogu fila liman ka kere-kere hamutuk 10, restorante 11, karosa sia (9), no grupu feto potensiál aprezenta taís Oekusi, no grupu kafetária sira.
Orlando dehan, komisaun organizadóra mós organiza kompetisaun sira hanesan, kompetisaun fashion show, ne’ebe sei aprezenta husi kada diresaun no departementu sira iha administrasaun Oekusi, kompetisaun artista lokál ba idade 17 mai kraik, kompetisaun kualidade stand ba partisipante sira, kompetisaun diskursu publiku ho tema rua hanesan, ” Eleva rekursu umanu hodi kontribui ba dezenvolvimentu iha RAEOA ba futuru” no “Dezenvolvimentu ekonómia lokál RAEOA Timor-Leste hasoru ekonómia globál iha kontextu rejiaun ASEAN.”
Nune’e komisaun ne’e informa, Iha mós kompetisaun tradisionál dada tali, kompostu husi nivél ensinu sekundáriu sira feto no mane, kompetisaun entre diresaun sira, kompetisaun dada tali ba suku 20 iha Oekusi, sa’e buah, soru-taís, homan, no ikusliu mak kompetisaun kuliñaria ba de’it mane sira.
Atividade sira ne’e sei hala’o semana ida, hahú domingo to’o Sesta feira, 28 Novembru 2025, kontinua kedas ho fahe Premiu ba manán na’in-sira.
Reportagen Jornalista Media RCAL
Leave a Reply