RCAL 09 Febreiru 2026; Tuir akordu ne’ebé deskreve iha MoU Sesta feira 0602026 ne’e, atu Institutu Nasional Farmasia no Produtu Médiku (INFPM) fornese Ai-moruk Medikamentus, oksijéniu,no seluk inklui kapasitasaun rekursu Umanu ba Óspital Referensia RAEOA ho valor osan rihun $ 600-resin.
Prezidente Rejiaun Administrativa Espesial Oe-Cusse Ambeno (RAEOA), Régio Servantes Romeia da Cruz Salu husu ba INFPM atu liuhusi kooperasaun ne’e, alemde tau-matan no asegura fornesimentu medikamentus, presiza mos tau prioridade formasaun ba funsionáriu sira atu eleva kuñesimentu ba aimoruk. Nune’e, funsiunariu sira iha kapasidade esplika aimoruk ba pasiente sira.
“ Bainhira pasiente ida atu hetan aimoruk ruma, tenke hetan esplikasaun klaru kona-ba aimoruk ne’e. Nune’e pasiente labele duvida bainhira simu aimoruk. Favor hare mos atu asegura estok aimoruk ne’e hodi garante kualidade aimoruk no kualidade saúde,” Régio Salu hateten iha salaun enkontru Gabinete Prezidente Autoridade RAEOA, Oebau, Pante Makasar.
Biban ne’e, Diretora Ezekutivu Instituto Nasional Farmasia no Produtu Medikamentus, Paulina Mendonca Maia hatete, INFPM ho lista item aimoruk husi Diresaun Rejioanl Saúde RAEOA no Ospitál referensia RAEOA. Orsamentu ba tinan fiskál 2016 atu sosa aimoruk ho totál montante dolar amerikanu $ 60.000 ho emerjensia osan dolar amerikanu $ 10.000.
“Ami INFPM, apoia nafatin RAEOA atu hamutuk haree armajen ida ne’ebé ho kualidade, nune’e bele asegura aimoruk sira,” Paulina Mendonca informa.
Entretantu, Diretora Rejional Saúde RAEOA, Merita Marques Caunan Lafo hateten, kada tinan lima, Autoridade RAEOA selebra MoU kona-ba fornesimentu aimoruk. “MoU ho INFPM ne’e remata iha fulan Dezembru 2025. Maibé tanba iha asuntu balu ne’ebé ita presiza rezolve, entaun ohin loron ita renova fali MoU ne’e, no Diresaun Rejional Saúde RAEOA sei koordena ho Ministériu Saúde, hodi halo fali akordu foun ba tinan lima mai” Merita informa.
Merita Marques Caunan Lafo relata katak; Akordu parte rua selebra ne’e, ho objetivu atu asegura prosesamentu no fornesimentu medikamentus ba RAEOA, no Lista medikamentus ne’e, bazeia ba lista medikamentus husi Instituto Nasional Farmasia no Produtu Medikamentus.
Ekipa Kovertura Jornalista Media RCAL
Leave a Reply