RCAL 03 Marsu 2026; Veteranus no komunidade husi suku 20 iha RAEOA selebra loron nasional veteranus ne’e, ho seremonia isar bandeira ne’ebé prezide husi Ministra Solidadridade Sosial no Inkluzaun, Veronica das Dores, Koarta ne’e 03 Marsu 2026, iha Kampu 1 de Maiu Palaban, suku Costa Sub-rejiaun pantemakassar RAEOA.
Atividade Selebrasaun loron nasional veteranus ba dala IX ho tema, “Harí Unidade Iha Diversidade ho Sentidu Patriotizmu” ne’e presidi husi Ministra Solidariedade Sosial no Inkluzaun (MSSI) Veronica das Dores nudar presidente da Seremonia.
Iha diskursu Ministra Solidadridade Sosial no Inkluzaun Veronica das Dores hatete, Timor-Leste marka tan istória foun ida, tanba selebra loron veteranus ba da sia ne’e nudar sinal, hodi loke pagina ba foin sa’e sira nia hanoin katak, nasaun Timor-Leste harí ho ema rihun atus rua resin nia ruin no ran.
“Luta tinan 24, ita hotu hatene katak, independensia ne’e, sosa ho ema rihun atus ba atus nia vida. Tanba ne’e, selebrasaun loron ohin, hanesan loron ida ne’ebé istóriku, ne’ebé hakerek iha lei inan katak, rekuñesimentu ba ita tomak, maibé espesial ba veteranus hotu-hotu sira nia dedikasaun tomak,” Katak Ministra Solidadridade Sosial no Inkluzaun.
Biban ne’e, Prezidente Autoridade RAEOA Régio Serventes Roméia da Cruz Salu hatete, tinan ne’e Timor-Leste selebra loron nasional veteranus ba da sia, hodi fó hanoin ba foin sa’e sira kona-bá Timor-Leste nia prosesu ba ukun rasik an.
reportagen Jornalista RCAL
Leave a Reply