Oekusi, 11 Marsu 2026 (RCAL)_Secretariu Estadu Toponomia Organizasaun Urbana (SEATOU), Germano Santa Brites Koarta ne’e, halo enkontro orgente ho membru Autoridade Rejiaun Administrativa Espesial Oekusi Ambeno (RAEOA) no Autoridade Komonitaria inklui entidade relebante sira, iha salaun Administrasaun Numbei Suku Costa Sub-Rejiaun Pantemakassar.
Durante enkontro SEATOU Germano Santa Brites fo kedan oreintasaun ba Autoridade RAEOA ho Komando Polisia Nasional Timor-Leste (PNTL) oekusi, atu komesa aban kinta 12 de Marsu 2026 ne’e ba oin, oho ona animal hanesan, Bibi, Fahi, karau ne’ebe nain sira nakar kontinua husik la’o livre iha sidade Urbana.
“kontinua kontrola sidade nafatin, komando PNTL aban ba oin animal sira ne’ebe sirkula iha espasu publiku oho deit, tanba lakreurtan Primeiru Ministru (PM) mai tan oekusi lakoi hare tan animal sira la’o livre tuir estrada sira iha villa laran, oho det, na’an sira lori ba fo ba oan-kiak sira, sira mos presija na’an, oho hasai foto manda ba hau, depoes informa ba animal na’in sira katak hau EATOU maka autoriza haruka atu oho.” Hatete Germano Santa Brites iha salaun Administrasaun Numbei.
SEATOU apela katak, bainhira oho tiha animal, importante labele han, maibe fo oan-kiak sira. Tanba ne’e husu ba Autoridade presija estabele ona ekiipa konjunta, no kalendariu planu operasaun, maibe tuir lei loloos ne’e tenke operasaun lorloron.
Durante enkontro, xefe suku Costa Fransisco Colo orgullu tanba durante ne’e autoridade komonitaria sira kontinua, fahe ona informasaun ba publiku maibe komonidade seidauk iha konsensia atu haki’ak animal iha fatin.
Xefe suku ne’e dehan, ida ne’e lei maka orienta, hanesan autoridade suku kontinua fahe nafatin informasaun ba komonidade sira katak iha teritoriu Costa ne’e kategoria area urbana, nune’e presija koopera atu asegura ambiente ne’e furak.
Reportagen Jornalista media RCAL
Leave a Reply