Oekusi 11/03/2026 (RCAL); Komisaun-C ne’ebé trata asuntu Finansas Publika, husi Parlamentu Nasionál (PN) ne’ebe presidi husi Cedelizia Faria dos Santos, koarta ne’e 11 Marsu 2026, vizita traballu iha Rejiaun Administrativa Espesial Oé-cusse Ambeno (RAEOA) durante loron tolu.
Prezidente Komisaun-C, Cedelizia Faria dos Santos, hatete, Komisaun C PN hala’o fiskalizasaun ba RAEOA, atu hare’e servisu hotu ne’ebé la’o iha Oé-cusse, liu-liu servisu sira ne’ebé liga ho reseitas públikas
Prezidente Autoridade RAEOA Régio Serventes Roméia da Cruz Salu, hato’o bemvindu ba Komisaun-C Parlamentu Nasional, tanba bele vizita Oé-cusse hodi hare’e direta servisu sira ne’ebé ligadu ba reseitas públikas.
Hafoin simu membru PN Komisaun-C iha fronteira Sakato, kontinua hala’o enkontru ho Prezidente Autoridade RAEOA ho membru sira, inklui kargu Xefia sira husi Karantina, Imigrasaun, Alfandega, DNTT no Polísia Tránzitu, iha Salaun Alfándega Sakato.
Hafoin simu direita husi Presidente Autoridade ho kargu Sefia sira iha Fronteira Sakato, Membru PN Comisaun-C observa uluk kondisaun no servisu atendementu Alfandega iha Fronteira Sakato Suku Nipani Sub Rejiaun Pantemakassar.
Durante enkontro, Diretór Alfandega RAEOA, Alberto Seixas eesplika ba Komisaun C Parlamentu Nasional, katak, utilizasaun sistema asycuda world ne’e, atu hafasil atendimentu ba fornesedor no importador sira, liu-liu kona-bá burokrasia.
“ha’u hato’o sistema servisu ne’ebé ami uza iha RAEOA ne’e, iha sistema rua, ida mak sistema Asycuda plus no ida mak asycuda world, maibé komesa iha 20 Janeiru 2026, sistema asycuda plus la uza ona, uza de’it sistema asycuda world”, Informa diretór Alfándega Alberto Seixas iha fronterira Sakato.
Membru Parlamentu Nasionál liuhusi ekipa Komisaun-C to’o iha fronteira Sakato, simu direita husi Prezidente Autoridade RAEOA hamutuk ho membru Autoridade sira ho seremonia tara tais nu’udar símbolu identidade Atoni nian.
Reportagen Jornalista Media RCAL
Leave a Reply