Oekusi Kuarta 11 Marsu 2026 (RCAL)_Atu haforsa sistema advokasia no protesaun ba feto no labarik feto sira iha Oé-cusse Kuarta ne’e Autoridade RAEOA selebra asina akordo Memorandum of Understanding (MoU) ho Merie Stopes Internasional iha Timor Leste (MSITL), iha Salaun Alfandega palaban Suku Costa Sub-Rejiaun pantemakassar.
Akordu ne’e parte rua kompremetidu ba Atu haforsa sistema advokasia no protesaun ba feto no labarik feto sira iha Oé-cusse.
Hafoen remata asina MoU ne’e Prezidente Autoridade RAEOA Régio Servantes Roméia da Cruz Salu hateten, MoU ne’e sai hanesan multi konsiderasaun, hodi defende, promove no fó protesaun ba povu, liu-liu feto sira nia potensia atu bele tama iha vida polítika no lideransa ekonómiku.
Nia subliña katak; MoU ne’ebé Autoridade RAEOA asina ho MSITL ne’e, la’os haree de’it ba saúde, maibé liga mós ho asuntu hodi proteje direitu feto no juventude sira, nu’udar potensia kontinuador nasaun ne’e nian hodi tane nafatin feto Timor no labarik feto ne’e importante tebes, ho protesaun no seguru, no fó direitu atu feto sira mós bele sai lider iha Timor-Leste.
“Liu-liu iha interativu, ha’u hakarak fó importansia ba feto lideransa iha dezenvolvimentu potensia lideransa ba RAEOA nian. Ohin mós ita asina MoU ho MSITL, hare’e husi parte advokasia, hodi fó seguransa, protesaun ba feto no labarik feto, no ita nia povu, tanba ita hatene katak, wainhira ami estrutura ida ne’e hahú ami nia mandatu, Primeiru Ministru nu’udar entidade tutelár fó hanoin ba ami katak, tau de’it iha ulun povu no o nia rai”, dehan Prezidente Autoridade RAEOA.
Biban ne’e, Country Director Marie Stopes Timor-Leste, Maria Amelia N. Barreto, Agradese kooperasaun ne’ebé estabele ona entre Autoridade RAEOA tanba MSITL servisu hamutuk ho Autoridade RAEOA desde 2016.
“Kooperasaun ida ne’e, atu formaliza de’it ona servisu ne’ebé durante ne’e ita halo, tanba MSITL servisu hamutuk ho RAEOA dezde tinan 2016, no ita iha tópiku ne’ebé termina ona iha tinan 2025, maibé agora ita halo tuir fali akordu ida, ho konteudu intersektoral,” dehan Country Director Marie Stopes Timor-Leste katak Maria Amelia Barreto.
Country Director Marie Stopes Timor-Leste kompremetidu katak, Ba futuru, MSITL sei servisu hamutuk ho igualdade jéneru, setór edukasaun, setór Agrikultura no setór desportivu iha RAEOA, tanba area desportiva ne’e, akomula joven barak no MSITL mai atu haforsa sistema ne’ebé RAEOA iha ona, ho lideransa husi Prezidente Autoridade RAEOA atuál no estrutura tomak.
Reportagen Jornalista Media RCAL
Leave a Reply