Pantemakassar (RCAL 21 Outubru 2026) – Komunidade iha Bairo Nun-Ana, Suku Naimeco, agora bele haksolok no asesu ona ba bee moos liuhusi inaugurasaun no tesi fita ba tanke bee foun ne’ebé dada kedas husi bee matan Oel-Uki, liuhusi serbisu hamutuk entre ONG lokál Masine Neu Oékus (MANEO), Servisu Rejional Agua Saniementu no Ambiente (SRASA), no Autoridade Lokál.
Projetu dada bee husi bee matan Oel-Uki ne’e, nudar resposta direta ba preokupasaun komunidade nian ne’ebé durante ne’e hasoru susar boot hodi la’o do’ok buka bee moos ba nesesidade loroloron nian.
Liuhusi parseria solidu entre organizasaun naun-governamentál sira-ne’e no autoridade suku, konsege lori duni bee moos ne’ebé matak no fresku husi Oel-Uki mai to’o komunidade sira-nia leet ho distansia besik kilometro-3.
Iha serimónia inaugurasaun ne’ebe realiza koarta ne’e iha bairo Nun-Ana Kiubose, ONG Lokal MANEO, SRASA, hamutuk ho autoridade lokál suku Naomeco, ho Parseiru lokal sira, tesi fita hanesan símbolu katak sistema dada bee husi Oel-Uki ne’e entrega ofisiál ona ba komunidade.
Hafoen remata tesi fita ba tanki be’e ne’e, Direitora Ezekutiva MANEO Ramila da Costa, hateten, la fasil atu dada be’e husi dok ne’eba ba deit benefisiariu uma kain-10, tanba servisu fisiku ne’e la’os kontrusaun projeitu maibe ho osan ne’ebe ki’ik hatudu progresu servisu diak, tanba kontribuisaun servisu hamutuk tanba MANEO fasilita de’it material, maibe bele finaliza tanki ida, ne’e hatudu katak, komonidade ninia sakrifisiu no unidade, liuhosi servisu hamutuk.
Asosiasaun MANEO fo agradesimentu boot ba komonidade sira, tanba ho uma kain-10 deit, bele termina servisu fisiku hanesan, dada be’e, halo tanki, no seluktan, la to’o fulan bele finaliza no ohin bele uja ona. Nune’e husu nafatin ba komunidade tomak atu kuida no jere didiak fasilidade ne’e ho responsabilidade, nune’e bele dura ba tempu naruk.
Biban ne’e, xefe aldeia Bonemese ho mata wen, hato’o agradesimentu boot ba Asosiasaun Masine Neu Oékusi (MANEO) tanba bele konsidera uma kain hirak ne’e ninia pedidu tanba antes ne’e iha Agensia no ONG Nasional balun identifika ona maibe inposibel atu dada tanba benefisiariu direita atu asesu be’e ne’e, la’to’o uma kain 50.
“hau hanesan xefe aldeia, fo liamenon ba komonidade katak, labele uja linguajen hau nian, O ni’an no ninian, maibe tenke komungga liguajen, “ne’e ita nian husu atu kuida no jere didiak fasilidade bee moos ne’e ho responsabilidade, nune’e bee matan Oel-Uki bele kontinua fó moris ba sira ba tempu naruk”.
Atividade ne’e MANEO realiza parseira ho Oxfam Timor-Leste, no hetan fundus husi Governu Australia (DFAT).
Reportagen Media RCAL
