Pante Macassar, RCAL (02 Otubru 2026) — Assosiasaun dos Médikus Timor-Leste (AMTL) iha Rejiaun Administrativa Espesiál Oé-Cusse Ambeno (RAEOA) sesta ne’e, realiza marsa saudável hodi komemora Loron Mundial Moras Fuan.
Prezidente Assosiasaun dos Médikus RAEOA, Dr. Santinha Quefi, hateten, Atividade ne’e ho objetivu atu fó sensibilizasaun nafatin ba komunidade sira, kona-ba oinsá bele proteje an husi moras fuan.
Dra. Santinha Quefi, afirma esplika, fuan hanesan órgaun vitál ne’ebé importante tebes ba ema nia moris, tanba Tuir dadus Organizasaun mundial de Saúde, moras fuan nu’udar kazu ida ne’ebé kauza mate aas tebes iha mundu. Tan ne’e, Dr. Santinha husu ba komunidade atu halo avaliasaun médika regular, liuliu ba sira ne’ebé iha tensaun aas, hodi bele hetan tratamentu no hemu ai-moruk.
Santinha Quefi dehan, Atu prevene no hadook an husi moras fuan, presija Han hahan saudavel, Para fuma, Ezersísiu regulár, Mantein pezu ideál, Kontrola estres, no Check-up regulár.
Tuir Santina katak, komunidade mós presiza bá fasilidade saúde sira hodi sukat tensaun, kontrola nível kolesterol, ran-midar (diabetes), no tetu todan.
Iha semana ne’e, AMTL kontinua halo sensibilizasaun no promosaun saúde liusi Rádiu Komunidade Atoni Lifau (RCAL) atu lori koñesimentu ne’e besik liután ba povu.
Iha fatin hanesan, Reprezentante Autoridade RAEOA atual, Diretór Serbisu Ajénsia Fiskalizasaun RAEOA, Jaime Taeki, konsidera atividade marsa saudável ne’e, rekoñese, saúde iha ema idak-idak nia liman, maibé tenke hahú ho foti asaun ka book an.
Maski Loron Mundial Moras Fuan ne’e monu iha loron 29 Setembru, maibé Assosiasaun dos Médikus RAEOA, konsege organiza no realiza atividade marsa saudável ne’e nu’udar kontinuasaun ba selebrasaun fuan nian.
Atividade Marsa saudavel ne’e hahu husi Parke Desportiva Sikluli, tuir estrada klaran, Rotunda Padimau, liu Estarda EDTL, Kiumaria tasi ibun, tuir mos ponte Oebau, liu husi GPA no termina marsa ne’e iha jardin Desportivo Sikluli.
Se Ita sente hirus-matan moras, isin kadiak, ka laran-sa’e, lalais ba bá konsulta ho doutór ka profisionál saúde sira iha ospitál ka klínika ne’ebé besik.
Jornalista Julmira Cab Colo
