Pasabe (RCAL,05 Outubro 2026) – Fatin Biveiros Pasabe iha Rejiaun Administrativa Espesiál Oe-Cusse Ambeno (RAEOA) sei sobu, hodi nune’e bele haluan kampaun ba serimónia komemorasaun Loron Proklamasaun Independénsia, 28 de Novembru tinan ne’e.
Diretór Servisu Regionál Agrikultura RAEOA, José Oqui, afirma katak desizaun ne’e foti bazeia ba rezultadu sorumutu preparasaun nian, ne’ebé deside katak sentru komemorasaun tinan ne’e sei hala’o iha Postu Administrativu Pasabe.
Atu nune’e la bele prejudika produsaun, Diresaun Agrikultura sei identifika fatin foun seluk hanesan iha Naetuna hodi muda fali biveiros sira ne’e iha tinan oin. Entretantu, ba ai-horis sira ne’ebé ready ona, diresaun sei lori uluk ba Pante Macassar hodi fahe ba kantu-ba-kantu to’os-na’in sira iha suku hotu.
José Oqui hatutan, alende Pasabe, fatin biveiros iha Nitibe mós agora daudaun la funsiona tanba konstrusaun seidauk remata, no ba fatin Oesilo nian, parte diresaun sei hafoun dokumentu ka karta ruma hodi bele utiliza fali.
Iha fatin hanesan, Xefe Postu Administrativu Pasabe, Paulino Marques, deklara katak parte lokál prontu atu muda biveiros ne’e ba fatin seluk. Paulino rekoñese katak to’o agora mós seidauk iha orsamentu ne’ebé fiksik ba funsionamentu biveiros Pasabe nian, nune’e momentu di’ak ona atu hamoos fatin ne’e ba serimónia nasionál.
Reportagen Julmira Cab Colo
