Autoridade RAEOA indika ona ema na’in-43 nudar membru Konsellu Konsultivu.

RCAL Oekusi 18 Maiu 2026; Autoridade Rejiaun Administrativa Espesial Oekusi Ambeno segunda ne’e nomea ona ema na’in-43 nudar membru Konsellu Konsultivu no sei simu posse iha loron 22 Fulan Maiu Tinan ne’e.

Nomeasaun ne’e indika liuhosi enkontro konjunta entre Presidente Autoridade, Secretariu Rejionais sira, Xefe do Suku 20 no Sefe Aldeia sira, Jestor husi Sub Rejionais haat, Konsellu-veteranu Oekusi, Konfisaun relijioza sira, sosiadade sivil, Intelektual, Joventude no seluktan iha salaun Administrasaun Numbey Suku Costa Sub-Rejiaun Pantemakassar Segunda ne’e.

Iha prosesu indika reprezentante sira, Ekipa meja indika naran, no husu apoio husi partisipante sira ho meous hiit liman.

Hafoen Remata enkontro konjunta ne’e, Presidente Autoridade Rejiaun Administrativa Espesial Oekusi Ambeno Régio da Cruz Salu ba Jirnalista hateten, Autoridade RAEOA finaliza ona nomeasaun final ba kompozisaun membru orgaun Konsellu Konsultivu RAEOA nian, hamutuk na’in-43 no deside ona preparasaun ba tomada de posse sei akontese iha loron 22 fulan Maiu sesta semana ne’e.

Notisia relevante Aban Nomeasaun Formal Konsellu konsultivu RAEOA.

Régio Salu argumenta katak, definisaun konsellu konsultivu ne’e bazea ba dekreitu lei númeiru 1/2026, prevista iha artigu 14^o ne’ebe dehan katak, Konsellu Konsultivu mak Orgaun Konsultivu Autoridade mak presidente RAEOA.

“ho nia misaun, bazea diploma ministeria; 51/2016, prevista iha artigo 3^o, orgaun ne’e dezempeña papel hodi promove partisipasaun ajente sosial no forsa ativa lokal iha prosesu formulasaun, diskusaun no ezekusaun instrumentu planeamentu estratejiku autoridade munisipal, akompana no avalia prestasaun bens no servisu publiku autoridade rejional ba sidadaune’e bazea ba dekreitu lei 1/2026 artigu 16^o, ho membru konsellu konsultivu ne’e kompostu husi Presidente Autoridade Secretario Rejionais na’in-3 ho nia membru hamutuk na’in-43 mak hanesan; xefe suku 20, reprezentante Partidus Politikus ne’ebe hetan asentu iha Parlementu nasional, Veteranu na’in-2, Intelektual na’in-2, Setor Pribadu na’in-2, Joventude na’in-2, Konfisaun relijioza sira, Organizasaun Igualdade Jeneru, na’in-2, reprezentante Lia-nain, reprezentante ema ho Defisiente, reprezentante husi komisaun Funsaun Publika”.

Iha fatin hanesan, jestor Sub-rejiaun oesilo Benedito Ulan, hateten, ho estabelesementu orgaun konsellu konsultivu ne’e, ba futuru bele kontribui diakliutan ba prosesu dezemvolvimentu iha RAEOA.

Reportagen Jornalista Media RCAL