Oekusi RCAL 20 Maiu 2026 – Povu Atoni husi suku 20 iha Sub rejiaun haa’t hamutuk ho autoridade Autoridade Rejiaun Administrativa Espesiál Oé-cusse Ambeno (RAEOA) Kuarta ne’e, komemora loron restaurasaun independensia Timor-Leste nian ba dala 24 iha kampu Un de Maiu Palaban suku Costa Sub-rejiaun pantemakassar.
Loron ne’e marka tinan-nian akontesementu istoriku iha tinan 2002 bainhira Timor-Leste restaura ofisialmente ninia independensia hanesan nasaun soberanu no foti fali ukun rasik-an.
Seremnonia ofisial isa bandeira ne’e presidi husi Presidente Autoridade Rejiaun Administrativa Espesial Oekusi Ambeno (RAEOA) Régio Servente Romeia da Cruz Salu nudar Presidente da Seremonia Isar bandeira.
Iha ninia diskursu, Presidente Autoridade Rejiaun Admnistrativa Espesial Oekusi Ambeno (RAEOA) Régiu Servente Romeia da Cruz Salu husu ba intelektual Oé-cusse oan sira, liu-liu lisensiadu no lisensiada sira, atu halo deskobrimentu no konseptualiza, saida mak bele promove Oé-cusse no halo Oé-cusse sai potensia liu tan no konvida Oé-cusse oan hotu atu hamutuk hateke ba oin, hodi lori Oé-cusse Ambeno ba Autoridade Oé-cusse oan hotu.
Partisipa iha Seremonia Ofisial Isar bandeira ne’e, mai husi Autoridade RAEOA, orgaun relevante sira, Komandante PNTL no F-FDTL RAEOA, korpu da isar bandeira, Wakil Bupati NTT Kamilus Elu ho nia delegasaun, relijiozu sira, Autoridades lokáis suku no komunidade Atoni oan tomak inklui estudante Husi Nivel Primaria To’o Universidade iha Vila Oekusi.
Reportagen Jornalista Media RCAL
Leave a Reply