Oekusi RCAL 02 Juñu 2026; Ajensia Nasional Avaliasaun no Akreditasaun Akademika (ANAAA), husi nasaun Malasia, Indonesia no Timor-Leste, ne’ebe lidera husi Ofisial Kualidade ANAAA Paulino Saldanha tersa ne’e, Verifika fali nudar fase daruak kona-ba reakreditasaun instituisaun akademika ba kampus Dili Institute of Tecnology, Rejiaun enklave oekusi (DITKREO).
Aitividade verifika fali reakreditasaun ne’e ne’e halo durante loron rua iha kampus DITKREO Palaban suku Costa Sub-Rejiaun Pantemakassar.
Ofisial Kualidade ANAAA Paulino Saldanha informa atividade durante loron rua ne’e, atu hare direita progresu dezemvolvimentu iha Kampus DITKREO liuliu fasilidade, rekursu umanu, nomos Prosesu aprendijajen iha Kampus durante tinan-lima, hahu hosi 2021 to’o 2026, tanba atividade Re-akreditasaun ne’e sai hanesan regulamentu atu halo kada tinan lima lima.
Molok diskusaun servisu avaliasaun ne’e hahu, Vise-Reitora Akademika DIT Nasional, Aderita do Santos hateten, objetivu husi re-akreditasun ne’e, ho intensaun atu hare no sei avalia dezempenu akademiku iha DITKREO hafoin tinan-lima.
Aderita do Santos informa, re-avalia ne’e foku ba Servisu Komonitariu, fasilidade Administrasun, Hanorin, Peskiza, nomos Progresaun sistema akreditasaun iha Kampus DITKREO.
Biban ne’e Diretor DITKREO, João Muni hatete, Esforsu ne’ebe DITKREO halo durante tinan lima ne’e maka aumenta departementu husi programa estudu iha DITKREO, hanesan departementu Enjeñaria sivil no Jestaun Finansa.
João Muni akresenta katak, Rekursu umanu iha DITKREO, ba tinan lima DITKREO investe makas ba manorin ka dosente sira, hahu kedan husi Edukasun Lisensiatura (S1) no kontinua ba Mestradu (S2) inklui Doutoramentu (S3).
João Muni dehan, total estudante ne’ebe dadaun ne’e hamutuk ema nain-296 tanba DITKREO iha fakuldade rua hanesan jestaun Negosiu, no Siensia Enjeñaria, ne’ebe fahe ba Departementu haat hanesan, Departementu Konstrusaun Sivil, Siensia Komputador, Jestaun Jeral, nomos Jestaun Finansa.
Reportagen Jornalista Julmira Cab Colo
Editor Joe Feno
Leave a Reply