Oekusi-RCAL 07 Maiu 2026_Estudante UNPAZ husi fakuldade 6 hamutuk na’in-163 Kinta ne’e, abertura Programa Prátika Aprendizajen Kampu (PAK), durante fulan-2 iha Rejiaun Administrativa Espesial oekusi Ambeno (RAEOA).
Estudante hirak koordenador Jeral Dekanu fakuldade Enjenaria José Manuel maniquin ofisialmente entrega ba Autoridade RAEOA iha Salaun Alfandega palaban nudar simbolika atu hala’o atividade PAK iha RAEOA.
Iha ceremonia lansamentu Ofisial ne’e, Prezidenti Autoridade RAEOA, Regio da Cruz Salu, husu ba Estudante sira atu foku liu ba asesmentu, analiza no deskobre pontesia industria ki’ik no kreatividade husi suku idak idak, tanba Programa PAK sai hanesan programa importante iha Universidade da Paz atu ajuda polítika programa no movimentu empreendedorizmu iha RAEOA.
Autoridade RAEOA rekunese katak, durante ne’e, dosente no estudante UNPAZ sira iha RAEOA sempre ativa no kontinua halo komunikasaun ho autoridade lokal atu haree potensia rekursu umanu no rekursu ekonomia ne’ebé bele dezenvolve hodi fo benefísiu ba komunidade.
Autoridade ne’e reforsa tan katak, depois programa ne’e remata, estudante sira sei aprezenta rezultadu no dadus ba RAEOA, tanba la’is ou tarde UNPAZ no RAEOA sei estabelese Memorandu Entendimentu (MoU) ba programa promosaun kona-ba potensia indústria no ekonomia lokal ba komunidade iha nivel baze.
Biban ne’e, Kordenador Jeral PAK no Dekanu Fakuldade Enjeñaria, Jose Manuel Maniquin, esplika programa PAK tinan ida ne’e fó oportunidade ba estudante sira atu fila ba sira nia munisípiu, postu administrativu, suku no aldeia hodi hela hamutuk ho komunidade no sente diretamente difikuldade sosiál ne’ebé povu hasoru loroloron.
Jose Manuel Maniquin klarifika katak, atividade ne’e importante liu ba estudante sira atu bele identifika problema sosiál no rekursu sira ne’ebé eziste iha komunidade, nune’e dezemvolve nia relatoriu hodi aprezenta ba autoridade munisipál, tanba Dadus ne’ebé hetan iha baze sei ajuda autoridade sira atu konsidera no integra iha planu dezenvolvimentu.
Programa Estagiu ne’e envolve estudante husi fakuldade 6, kompostu husi; Fakuldade Ekonomia, Direitu, Siensia Humanas, Agrikultura, Saúde Públika no Engenharia.
Reportagen Jornalista Media RCAL
Leave a Reply