Pantemakassar (RCAL 26 Setembru 2026) – Atu hametin liutan espiritu fraternidade, kultura toleránsia, dame, no kooperasaun amizade entre Nusa Tenggara Timor (NTT) Republik Indonézia, liu-liu iha linha fronteira, Autoridade RAEOA servisu hamutuk ho Agénsia Notisióza Nasionál TATOLI hamutuk ho Gabinete Prezidénsia da Repúblika, sesta ne’e, realiza eventu dialogu fraternidade dala uluk, iha Oekusi ne’ebe realiza Salaun Konvensaun Unu de Maiu, Palaban. Eventu dialogu ne’e ho tema prinsipal atu hametin liután espíritu dame no toleránsia iha rai-laran, liuliu iha área fronteira.
Iha diskursu, Prezidente Autoridade RAEOA, Régio Servantes, foti aas katak fraternidade ne’e la fihir ba ema Timor-Leste ka Timor Osidentál, maibé ko’alia kona-ba rai no povu hodi tane aas valór humanu. Nune’e husu ba komunidade hotu atu aproveita didi’ak oportunidade ne’e hodi sai hanesan memoriál ida ne’ebé furak.
Biban ne’e, Asesór Fraternidade Umana husi Prezidénsia da Repúblika, Nuno Guilherme Horta Assis, ne’ebé sai mós nu’udar oradór prinsipál, iha dialogu ne’e, fó-hanoin fali katak Timor-Leste sosa pasu boot ida, liuliu bainhira Parlamentu Nasionál aprova Resolusaun Númeru 11 de 2022 kona-ba Fraternidade Umana.
Assesora ne’e subliña katak rezolusaun de’it la sufisiente atu transforma sosiedade, tan ne’e presiza tebes asaun rona malu nian hanesan ne’e. Dokumentu Fraternidade Umana ba Dame Mundiál ne’e rasik, hanesan ita hatene, iha ona istória naruk dezde asina husi Papa Francisco ho fali Grão-Imam Al-Azhar iha Abu Dhabi iha tinan 2019. Diálogu ne’e nakloke no hetan mós prezensa husi Bupati Timor Tengah Utara, Yosep Falentinus Delasalle Kebo, autoridade lokál, PNTL, estudante, no komunidade sira.
Jornalista : Julmira Cab Colo
