Pantemakassar (RCAL 01 Outubro 2026) – Institutu Nasional de Formasaun Dosentes e Profisional da Edukasaun (INFORDEPE) lansa formasaun kurikulu foun ba profesór terseiru siklu oitavu anu na’in-456, iha Rejiaun Administrativa Espesiál Oékusi Ambeno (RAEOA).
Formasaun ne’e ho objetivu atu transforma métodu hanorin, hodi labele fokus de’it ba konteúdu, maibé oinsá profesór sira bele orienta estudante sira atu ativu liután.
Prezidente INFORDEPE, Domingos Martins, ba jornalista informa, kurikulu foun ba terseiru siklu oitavu anu ne’e, sei hahú implementa iha tinan 2027.
Formasaun ne’e inklui matéria tolu hanesan Fraternidade Umana, Siénsia Sosiál, no Língua Inglés, hamutuk ho matéria ualu seluk ne’ebé sei lansa iha RAEOA.
Domingos Martins hatutan, kurikulu foun ne’e la’ós atu dekor matéria, maibé atu introdus kompeténsia lima, hanesan: metodolojia investigasaun, pensamentu krítiku, kriativu, komunikasaun, no partisipasaun.
Métodu foun hirak ne’e esije atu estudante sira mak ativu halo diskusaun no debate, dumundu profesór sira de’it mak fó orientasaun no asisténsia.
Biban ne’e, Direjente Servisu Rejionál Edukasaun RAEOA, Vincêncio Cono, orgullu ba prezensa dirijente ensinu sekundáriu sira, nune’e husu nafatin ba líder eskola sira atu labele jere de’it oras tama no sai, maibé tenke jere mós oras ekstra-kurikular hodi forma karakter umanu estudante sira-nian.
Cono rekomenda ba eskola sekundáriu jerál no tékniku vokasionál sira, atu tau prátika ba konesimentu ne’ebé hetan, halo siminizasaun iha eskola, no prepara didi’ak dokumentasaun hanesan livru prezensa no livru vizita.
Antes remata, Direjente ne’e, husu ba Ministériu Edukasaun atu kria programa troka fatin ka interkámbiu ba profesór sira, inklui husi ensinu báziku no pré-eskolár, hodi nune’e sira bele aprende karakter no esperiénsia foun husi munisípiu seluk.
Reportagen Julmira Cab Colo
