Pantemakassar (RCAL 10 Outubru 2026) – Kondisaun orsamentu ba saláriu no bensimentu iha Rejaun Administrativa Espesial Oe-Cusse Ambeno (RAEOA) la sufisente atu responde ba nesesidade estrutura foun. Kestaun ne’e hamosu atrasu ba pagamentu saláriu ba funsionárisu sira, liuliu funsionáriu kazuais.
Presidente Autoridade RAEOA, Regio Servantes Romeia da Cruz Salu, Klarifika assuntu ne’e hafoen remata audensia ho ho Komisaun D Parlementu nasional kinta ne’e iha salaun Konvensaun Palaban.
Régio afirma akontese tanba iha korta porsentu 50 ba saláriu bensimentu normál tinan-tinan, enkuantu estrutura foun tuir Diploma Ministérial 2 abril 2026 nian husu atu aumenta fali estrutura hodi uniformiza modelu administrasaun iha Timor-Leste tomak.
“osan iha, maibé bazeia ba lei, labele foti osan se la iha aprobasaun ba vairoman (transferénsia orsamentu).
Autoridade ne;e fundamenta katak, Atu rezolve problema ne’e, Vise-Ministru Finansas ho RAEOA harii ona Task Force hodi halo reajustamentu saláriu tuir tabela funsaun públika, bazeia ba perfil no karreira funsionáriu nian.
Iha mós opsaun tolu ne’ebé aprezenta husi Vise-Ministru Finansas kona-ba situasaun pagamentu ne’e, mak hanesan:
• Primeiru: Hasai funsionáriu balun;
• Segundu: Hatun saláriu; no
• Terseiru: tusan ba funsionáriu sira.
Presidente Autoridade hateten, reajustamentu tenke la’o tanba maioria bensimentu funsionáriu nian iha Oe-Cusse ne’e baixu, no la iha ona saláriu boot to’o rihun 9 hanesan uluk.
“Maioria iha Oe-Cusse barak liu maka Baixu, Tamba uluk Autoridade Sesante sira ho Asesor ho Pagamento 5 mil ba leten too 9 mil Agora la iha. Agora laiha Bensimento 9 mil, maibe iha balun mak iha 4 mil, nee Asesores ho senores sira, Tamba sira nia Mestradu S3. Tuir kriterio tabele funsau Publiku Dekretu lai hatete katak marese duni atu hetan 4 mil.”
Hatan jornalista Kona-ba funsionáriu kazuais sira ne’ebé fulan kotuk la simu saláriu, Presidente Autoridade fo razaun katak sira-nia kontratu barak mak remata ona iha 31 Marsu 2026, no estrutura foun ne’ebé mosu iha 1 Abril lori tan ema foun ne’ebé presiza reajusta tuir lei.
Reportagen Julmira Cab Colo
